पबजी मोबाइल गेम विश्वमा धेरै आम्दानी गर्ने एप, यूजर्सले दैनिक ४८ लाख डलर खर्च गर्दै

काठमाडौं ।

काठमाडौं । पबजी अनलाइन गेम विश्वभर निकै लोकप्रिय रहँदै आएको छ । पबजीले चीनमा भने नयाा भर्सन गेम फर पीस लन्च गरेको छ । यी दुबै गेमहरुका कारण चिनियाँ कम्पनी टेनसेन्टको आम्दानी मई महिनामा एकै दिनमा ४८ लाख डलर भन्दा बढि पुगेको छ ।

यसको आम्दानीमा भएको वृद्धिसँगै यो विश्वको सबैभन्दा धेरै आम्दानी गर्ने एप बनेको छ ।

मोबाइल एप इन्टेलीजेन्स कम्पनी सेन्सर टावरको रिपोर्टअनुसार टेन्सेन्टको पबजी र गेम फर पीस धेरै कममाउने कम्पनी भएको हो ।

कम्पनीको चीनमा एन्ड्रोयडबाट हुने आम्दानीलाई समावेश नगरिकन नै दुबै भर्सन मिलाउँदा कम्पनीले मई महिनामा कुल ६५ करोड अमेरिकी डलर कमाएको छ जसमध्ये अप्रिल महिनाको आम्दानी १४.६ करोड डलरका तुलनामा १२६ प्रतिशतले अधिक हो ।

पबजी मोबाइल र गेम फर पीस एपमा मई महिनामा भएको कुल आम्दानीमध्ये करिब १०.१ करोड डलर एप्पलको स्टोरबाट मात्र प्राप्त भएको बताईएको छ जबकी गूगलको प्लेटफर्मबाट केबल ४.५३ करोड डलर मात्र आम्दानी भएको थियो ।

सेन्सर टावरका अनुसार यो एपको दुबै भर्सन जोड्दा बयसपछि रहने गेमिंग एप अनर अफ किंग्सभन्दा यसको आम्दानी १७ प्रतिशत अधिक हुन्छ । अनर अफ किंग्सले करिब १२.५ करोड डलर कमाई गरेको छ । यो पनि टेनसेन्टद्धारा निर्मित गेमिंग एप हो ।

एप स्टोर र गूगल प्ले यूजर्सले गत महिना पबजीको दुबै मोबाइल भर्सनमा औसतमा ४८ लाख डलर दैनिक खर्च गरेका छन् ।