काठमाडौं ।
सामसङ ग्यालेक्सी एस२६ अल्ट्राको क्यामरा प्रणालीको बारेमा अफवाहहरू फैलिरहेको अवस्थामा अब चीनबाट आएको पछिल्लो अफवाहले सामसङले आफ्नो आगामी फ्ल्यागशिप मोडेलको साथ केही क्यामरा समस्याहरूलाई सम्बोधन गर्ने दावी गरेको छ।
वेइबोमा प्रसिद्ध टिपस्टर आइस युनिभर्सको चिनियाँ भाषामा रहेको पोस्टलाई स्वचालित रुपमा अंग्रेजी भाषामा गरिएको अनुवादले सामसङ ग्यालेक्सी एस२६ अल्ट्राको क्यामरामा लेन्स फ्लेयर कम हुने सुझाव दिएको छ।
थप रूपमा, ग्यालेक्सी एस२६ अल्ट्रामा “सुधारिएको लेन्स र कोटिङ्ग प्रविधि” हुनेछ र स्किन टोन अब तस्बिरहरूमा पहेंलो नदेखिने टेलिग्राफले रिपोर्ट गरेको छ।
अघिल्ला अफवाहहरूमा सामसङ ग्यालेक्सी एस२६ अल्ट्रामा अगाडि १२ मेगापिक्सेलको सेल्फी क्यामरा (सोनी आईएमएक्स८७४) हुनेछ भने पछाडिको क्वाड–क्यामरा सेटअपमा २०० मेगापिक्सेलको मुख्य क्यामरा (आईएसओसेल एचपी२), ५० मेगापिक्सेलको अल्ट्रा–वाइड क्यामरा (सामसङ जेएन३), ५० मेगापिक्सेलको पेरिस्कोप टेलिफोटो (आईएमएक्स८५४) र १२ मेगापिक्सेलको टेलिफोटो (सामसङ एस५के३एलडी) समावेश हुने दावी गरिएको छ।
एचपी२ सेन्सर सामसङले ग्यालेक्सी एस२५ अल्ट्राको क्यामराको लागि प्रयोग गरेको थियो र एस२५ अल्ट्राको मुख्य क्यामरामा एफ/१.७ एपर्चर थियो भने अब एस२६ अल्ट्राको मुख्य क्यामरामा एफ/१.४ एपर्चर भएको रिपोर्ट गरिएको छ।
प्रकाशित: १७ पुष २०८२, बिहीबार
