ह्वावेले अप्रिल ११ मा नयाँ कार र पीसी उत्पादनहरू अनावरण गर्ने

काठमाडौं ।

ह्वावेले अप्रिल ११ मा हार्मनीओएस स्प्रिंग कम्युनिकेसन सम्मेलन आयोजना गर्ने भएको छ। कम्पनीले कार्यक्रममा नयाँ कार र पीसी उत्पादनहरू अनावरण गर्ने अपेक्षा गरिएको ब्लू व्हेल समाचार (वेइबो स्रोत) को रिपोर्टले उल्लेख गरेको छ।

यो कार्यक्रमले विशेष गरी चेरीसँग सह–विकसित ह्वावेको पहिलो कार लक्सिड एस७ को पुनः रिलिजमा केन्द्रित हुने सम्भावना रहेको छ। साथै उक्त नयाँ संस्करणले गत वर्ष नोभेम्बरमा जारी गरिएको मूल इभीको तुलनामा मूल्य बिन्दु कायम राख्दै केही कन्फिगरेसन परिवर्तनहरू देख्न सक्नेछ।

नियामक फाइलिङहरूले मूल मोडलको तुलनामा थोरै समायोजित आयाम र वजनको साथ इलेक्ट्रिक सेडानका दुई नयाँ संस्करणहरूको खुलासा गरेको छ। साथै उक्त दुई नयाँ संस्करणले लक्सिड एस७ म्याक्स आरएसको जस्तै समान १५० किलोवाट प्लस २१५ किलोवाट डुअल मोटर सेटअप कायम राख्ने जनाइएको छ।

नयाँ पीसी उत्पादनहरूको सन्दर्भमा भने ह्वावेले आफ्नो मेटबुक एक्स प्रो लाइनअपलाई रिफ्रेस गर्ने अपेक्षा गरिएको छ। ह्वावेको मेटबुक एक्स प्रो ल्यापटपको २०२४ मोडल भर्खरै सर्टिफाइड (प्रमाणित) गरेको छ। साथै २०२३ मोडल गत वर्षको मे महिनामा जारी गरिएको हुनाले नयाँ पुनरावृत्ति पनि चाँडै आउने अपेक्षा गरिएको छ।

कम्पनीको आगामी फ्ल्यागशिप फोन ह्वावे पी७० को बारेमा धेरै चासो रहेको जनाइएको छ। यद्यपि, ह्वावे अफलाइन स्टोरहरूमा हाल पी७० को लागि कुनै गतिविधिहरू नभएको रिपोर्टमा उल्लेख गरिएको छ।