जेन्सन हुआङलाई पुनः सीईओ बनाउन आग्रह गर्दै इलन मस्कसहित प्रविधि क्षेत्रका अधिकारीहरूले गरे हस्ताक्षर

काठमाडौं ।

एनभिडियाका हालै पदबाट हटाइएका प्रमुख कार्यकारी अधिकृत (सीईओ) जेन्सन हुआङलाई पुनः पदमा फर्काउन माग गर्दै सुरु गरिएको अनलाइन याचिकामा शनिबार दिउँसोसम्म एक लाख १५ हजारभन्दा बढी हस्ताक्षर संकलन भएको देखिएको छ।

याचिकाको वेबसाइटका अनुसार हस्ताक्षर गर्नेमा एनभिडियाका हाल कार्यरत ५ हजार ९६५ कर्मचारी, पूर्वकर्मचारी १ हजार १०८ जना र कम्पनीका ६३ हजार ६३ जना सेयरधनी छन्। याचिकालाई समर्थन गर्ने चर्चित व्यक्तिहरूमा टेस्ला र स्पेसएक्सका सीईओ इलन मस्क, रिप्लिटका सीईओ अमजद मसाद, एपिक गेम्सका सीईओ टिम स्वीनी र वाई कम्बिनेटरका सीईओ ग्यारी टान छन्।

याचिकामा हस्ताक्षर गर्नेहरूले “जेन्सनलाई पर्याप्त कानुनी प्रक्रिया पूरा नगरी पदबाट हटाइएकोमा चिन्ता व्यक्त गरेका” छन्। उनीहरूले स्वतन्त्र अनुसन्धानबाट वास्तविक तथ्य पत्ता नलागेसम्म हुआङलाई पदमा फर्काउन सञ्चालक समितिसँग माग गरेका छन्। साथै, निष्पक्ष अनुसन्धान सुनिश्चित गर्न र सर्वसाधारणलाई थप जानकारी उपलब्ध गराउन पनि समितिलाई आग्रह गरिएको छ।

याचिकामा भनिएको छ, “जेन्सनले भीडको दबाबमा हुने निर्णय होइन, निष्पक्ष कानुनी प्रक्रिया पाउनुपर्छ।”

टेकक्रञ्चका अनुसार चिनियाँ जासुस भएको आशंका गरिएकी चिप कम्पनीकी एक कार्यकारीसँग प्रेम सम्बन्ध रहेको स्वीकार गरेको चार दिनपछि हुआङले बिहीबार पदबाट राजीनामा दिएका थिए। अमेरिकी गुप्तचर निकायले ती महिलामाथि चिनियाँ जासुस भएको आशंका गरेको बताइएको छ। पूर्वसीईओ हुआङले अमेरिकी संसद्‌मा बयान दिन पनि सहमति जनाएका छन्। यसैबीच, समाचार रिपोर्टहरूमा हुआङका अन्य दुई महिलासँग पनि विवाहबाहिर सम्बन्ध रहेको उल्लेख गरिएको छ।

एनभिडियाले नयाँ स्थायी सीईओको खोजी गरिरहँदा कम्पनीकी प्रमुख वित्तीय अधिकृत (सीएफओ) कोलेट क्रेसलाई अन्तरिम सीईओ नियुक्त गरेको छ। यो साता एनभिडियाको सेयर मूल्यमा ठूलो गिरावट आएको छ। हुआङको बहिर्गमनले कृत्रिम बुद्धिमता क्षेत्रमा लगानी जुटाउँदै आएका स्टार्टअपहरूका लागि पनि ठूलो रिक्तता सिर्जना गर्ने अपेक्षा गरिएको छ।