काठमाडौं ।
स्मार्टफोन कम्पनी ओपोले एउटा ट्याब्लेटमा काम गरिरहेको छ, जसको बारेमा हामीले लामो समयदेखि लीकहरू देखिरहेका छौं। अब ओपो प्याडको बारेमा दुई नयाँ लीकहरू आएका छन्, जसले हामीलाई यस डिभाइसको प्रोसेसर र अन्य विवरणहरूको बारेमा बताउँछ।
ओपो प्याड चिनियाँ प्रमाणीकरण साइट थ्रीसीमा देखा परेको छ, जहाँ यसको चार्जिंग गतिको बारेमा जानकारी उपलब्ध छ। यस बाहेक चिनियाँ माइक्रोब्लगिङ साइट वेबोमा प्रसिद्ध टिपस्टर डिजिटल च्याट स्टेशनले ओपो प्याडको प्रोसेसरको बारेमा जानकारी दिएको छ। ओपोले यस डिभाइसमा मल्टि-टर्मिनल इन्टरकनेक्शन परीक्षणहरू सञ्चालन गरिरहेको टिपस्टरले उल्लेख गरेका छन्।
ओपो प्याड लीक, विशिष्टता र सुविधाहरू
डिजिटल च्याट स्टेसनका अनुसार ओपोको ट्याब्लेट क्वालकम स्न्यापड्रागन ८७० प्रोसेसरले सुसज्जित हुनेछ। यो चिपसेट सामान्यतया प्रिमियम वा अपर-मिडरेन्ज स्मार्टफोनहरूसँग आउँछ। यसका साथसाथै कम्पनीले यस ट्याब्लेटमा मल्टि-टर्मिनल इन्टरकनेक्सन वा क्रस प्लेटफर्म इन्टिग्रेसनको परीक्षण गरिरहेको छ। यसको मद्दतले ओपो प्याडले कम्पनीका स्मार्टफोन, ट्याब्लेट, नोटबुक र टिभीहरूसँग बहु-उपकरण कनेक्सनलाई सपोर्ट गर्नेछ। यो प्रणालीले ओपोको इकोसिस्टम सुधार गर्न काम गर्नेछ।
चीनको थ्रीसी प्रमाणीकरण वेबसाइटले सुझाव दिएअनुसार ओपो प्याडले ३३ वाट फास्ट चार्जिङ सुविधा पाउनेछ। अघिल्लो लीकहरूले सुझाव दिएअनुसार ओपोको ट्याब्लेटमा ११ इन्चको एलसीडी स्क्रिन हुनेछ, जसले १२० हर्ज रिफ्रेस रेट र २५६०x१६०० पिक्सेल रिजोल्युसनलाई समर्थन गर्नेछ।
ओपो प्याडको पछाडि १३ मेगापिक्सेलको क्यामरा रहेको बताइएको छ । डिभाइसमा अगाडि ८ मेगापिक्सेल सेन्सर हुन सक्छ। ट्याब्लेटमा राखिएको क्वालकम स्न्यापड्रागन ८७० प्रोसेसरलाई ६जीबी र्यामसँग जोडिनेछ। लीकका अनुसार, ओपो प्याडमा ८०८० एमएएच ब्याट्री हुनेछ, जसले ३३ वाटलाई समर्थन गर्नेछ।
प्रकाशित: २८ पुष २०७८, बुधबार
