Technology Khabar २९ श्रावण २०७८, शुक्रबार
काठमाडौं ।
स्याटेलाइट ब्रोडब्यान्ड सेवा आगामी दिनमा सेवा प्रदायकहरु बीच प्रतिस्पर्धाको अर्को क्षेत्र बन्न सक्ने संभावना देखिएको छ। यो ठाउँमा नयाँ प्रवेशकर्ता क्यानाडेली कम्पनी टेलिस्याटसँगको साझेदारीमा भारतीय उद्योग समूह टाटा समूहले सेवा शुरु गर्न सक्ने अनुमान छ।
मिडिया रिपोर्टहरुका अनुसार टाटा समूहको नेल्को कम्पनी नेल्को लिमिटेडले २०२४ सम्ममा भारतमा लाइटस्पीड उपग्रह स्याटेलाइट ब्रोडब्यान्ड सेवा ल्याउन टेलीस्याटसँग वार्ता गरिरहेको छ। दुई कम्पनीहरु बीच साझेदारी वार्ता अन्तिम चरणमा छ र यो अनुमान गरिएको छ कि यो सेवाको परीक्षण चाँडै शुरू हुन सक्छ।
टेलीस्याट स्याटेलाइट ब्रोडब्यान्ड योजना
टेलीस्याटको एउटा वृहत स्याटेलाइट (उपग्रह) ब्रोडब्यान्ड योजना छ, जहाँ यसको लक्ष्य २९८ ओटा लो अर्थ अर्बिट स्याटेलाइटहरु स्थापित गर्न ३७,२०० करोड भारु लगानी गर्ने छ। यो स्याटेलाइट परम्परागत स्याटेलाइटको तुलनामा अझ प्रभावकारी हुने अपेक्षा गरिएको छ, जसले राम्रो नेटवर्क र तिब्र गति दिन्छ।
स्याटेलाइट ब्रोडब्यान्ड सेवाहरुले कठिन क्षेत्रहरुमा लाईफलाइनको रूपमा कार्य गर्न सक्दछ जहाँ वायर्ड इन्टरनेट सेवाहरु पुग्न गाह्रो छ।
भारतमा पनि भौगोलिक विविधताको कारण टेलीस्याटद्वारा लाइटस्पीड र ईलन मस्कद्वारा स्टारलिंक को रूपमा सेवाहरु प्रमुख कनेक्टिभिटी संसाधन बन्ने अपेक्षा गरिन्छ।
मस्कको स्टारलिंकले पहिले नै यसको सेवाको लागी प्री-बुकिंग शुरू गरिसकेको छ, भारतमा जुन २०२२ सम्म लगभग १५० एमबीपीएसको औसत कनेक्सन ब्यान्डविथका साथ लन्च गर्ने अपेक्षा गरिएको छ।
त्यसैगरी भारती एयरटेलले वनवेब स्याटेलाइट इन्टरनेट सेवा २०२२ बाट सुरु गर्न जोड दिइरहेको छ, जबकि जेफ बेजोसको कम्पनी अमेजनले पनि आफ्नो सेटेलाइट ब्रोडब्यान्ड सेवाहरुसंगै यस क्षेत्रमा प्रवेश गर्न सक्छ।
भारत संसारको सबैभन्दा ठूलो इन्टरनेट प्रयोगकर्ताहरु मध्ये एक हो, जसले सीमान्त क्षेत्रहरुमा यस्ता सेवाहरुको माग बढाउने अपेक्षा गरिएको छ।
प्रकाशित: २९ श्रावण २०७८, शुक्रबार
