काठमाडौं ।
सामसङले आफ्नो स्मार्टफोन प्रोसेसर एक्सनोज चिनियाँ स्मार्टफोन निर्माताहरू ओपो र शाओमीलाई सन् २०२१ मा दिन सुरु गर्नेछ ।
दक्षिण कोरियाली कम्पनीले आफ्नो एक्सनोज चिप चिनियाँ कम्पनीहरुको केहि बजेट स्मार्टफोनमा प्रयोगको लागि प्रस्ताव गरेको बताईएको छ र यो अर्को बर्षको पहिलो अर्ध वार्षिकमा शुरु हुने भनिएको छ।
नयाँ कदमका साथ सामसङले क्वालकमको लागी बजारमा कडा प्रतिस्पर्धा शुरु गर्न सक्दछ, जसले यसको स्न्यापड्रागन सिस्टम-अन-चिप्स चीन र विश्वभरिका बिभिन्न स्मार्टफोन कम्पनीहरुलाई उपलब्ध गराउँदै आएको छ।
सान डिएगोमा आधारित चिपमेकर मिडियाटेक क्वालकमको लागि पहिले देखि नै प्रतिस्पर्धीको रुपमा रहेको छ, जसले विश्वव्यापी रूपमा विभिन्न कम्पनीहरूमा आफ्नो मोबाइल प्रोसेसरहरू प्रदान गर्दै छ र यस दौडमा दोस्रो स्थानमा रहेको छ । नयाँ शुरुवातका साथमा सामसङ पनि यहि दौडमा सामेल हुने भएको हो ।
दक्षिण कोरियाबाट आएको एक रिपोर्टकाअनुसार सामसङको सिस्टम एलएसआई बिजनेस इकाईले ओपो, भिभो र शाओमी जस्ता अन्य कम्पनीहरूलाई एक्सनोज चिप्स आपूर्ति गर्ने योजना बनाएको छ।
यो रिपोर्ट गरिएको छ कि कम्पनीले शुरुमा इन्ट्रिलेभल मोडेलका लागि चिपसेटहरू प्रदान गर्नेछ र बजारमा केही मान्यता प्राप्त गरेपछि, यसले तेस्रोपक्षिय प्रीमियम स्मार्टफोनहरूको लागि चिपसेट प्रदान गर्नेछ।
सामसङले कम नाफा मार्जिनको कारणले यसको एक्सनोज चिपसेटको आन्तरिक आपूर्ति घटाएको बताईएको छ। कम्पनीले आफ्ना प्रिमियम फोनहरूमा एक्सनोज ९९० चिपसेट प्रदान गर्दछ।
यद्यपि कम्पनीले यसको ग्यालेक्सी एस २० मोडल कोरियाली र अमेरिकी बजारमा भने क्वालकमको स्न्यापड्रागन ८६५ चिपसेटको साथ प्रस्तुत गरेको छ। एजेन्सी
प्रकाशित: २१ कार्तिक २०७७, शुक्रबार
