एयरपड्समा एप्पलको लाइभ ट्रान्सलेसन अब चाँडै ईयूमा पनि उपलब्ध हुने

काठमाडौं ।

गत सेप्टेम्बरमा एयरपड्स प्रो ३ को घोषणा गर्दा एप्पलले तिनीहरूको लागि लाइभ ट्रान्सलेसन साथै एएनसी सहितको एयरपड्स ४ र एयरपड्स प्रो २ पनि प्रस्तुत गरेको थियो। प्रश्नमा रहेका एयरपड्सलाई आईओएस २६ र त्यसपछिका आईओएस रन गर्ने एप्पल इन्टेलिजेन्स–सक्षम आईफोनसँग पेयर्ड गरिएको बेला यो सुविधाले काम गर्दछ।

सुरुमा यो सुविधाले अंग्रेजी (युके र अमेरिका), फ्रान्सेली, जर्मन, पोर्चुगिज (ब्राजिल) र स्पेनिश भाषाहरूलाई समर्थन गरे पनि यो ईयूमा भने उपलब्ध थिएन। एप्पलले अब लाइभ ट्रान्सलेसन “अर्को महिना” अर्थात डिसेम्बरमा ईयूमा आउँदैछ भनेर घोषणा गरेको छ।

“डिजिटल मार्केट्स ऐनको आवश्यकताहरू पूरा गर्न आवश्यक अतिरिक्त इन्जिनियरिङ कार्यका कारण” ईयू प्रयोगकर्ताहरूका लागि यो सुविध प्रस्तुत गर्नमा ढिलाइ भएको एप्पलले बताएको छ। लाइभ ट्रान्सलेसन अब अंग्रेजी, फ्रान्सेली, जर्मन, पोर्चुगिज, स्पेनिश, इटालियन, चिनियाँ (सरलीकृत र परम्परागत मन्डारिन), जापानी र कोरियाली भाषामा काम गर्नेछ।

यसले अन–डिभाइसमा प्रोसेसिङको साथ प्रयोगकर्ताको गोपनीयताको सुरक्षा गर्दै रियल–टाइम ट्रान्सलेसन्स (अनुवादहरू) प्रदान गर्नेछ। फरक भाषामा कुरा गर्ने दुवै व्यक्तिहरूले आईफोनमा सक्षम गरिएको सुविधाको साथ एयरपड्सहरू प्रयोग गर्दा एएनसीले अर्को व्यक्तिको आवाज कम गर्न मद्दत गर्नेछ र यसले गर्दा कुराकानीलाई अझ प्राकृतिक ध्वनि राख्दै अनुवादमा ध्यान केन्द्रित गर्न सजिलो हुने उल्लेख गरिएको छ।

त्यसैगरी यदि तपाईंले कुरा गर्न खोजिरहनुभएको व्यक्तिसँग एयरपड्सहरू छैनन् भने, तपाईंले आफ्नो आईफोनमा अर्को व्यक्तिको भाषाको लाइभ ट्रान्सक्रिप्शन प्रदर्शन गर्न सक्नुहुनेछ। लाइभ ट्रान्सलेसन म्यासेजहरू, फेसटाइम र फोन एपमा पनि समावेश गरिएको छ भने यसले टेक्स्ट गर्दा वा बोल्दै गर्दा “निर्बाध अनुवाद सक्षम पार्ने” जीएसएमएरिनाले रिपोर्ट गरेको छ।