असोज मसान्तसम्म १९ अर्ब हाराहारी मूल्य बराबरको स्मार्टफोन आयात

काठमाडौं ।

नेपालमा स्मार्टफोनको आयात बढ्दो क्रममा रहेको छ। भन्सार विभागले हालै सार्वजनिक गरेको चालु आर्थिक वर्ष २०८३/८४ को तेस्रो महिना अर्थात् असोजसम्मको वैदेशिक व्यापारको तथ्यांक अनुसार नेपालमा स्मार्टफोन आयात विगतका वर्षमा झैँ उल्लेख्य रुपमा बढेको देखिएको छ।

यस अवधिमा १८ अर्ब ८१ करोड ५२ लाख ६६ हजार रुपैयाँ बराबरको ८ लाख ११ हजार २६७ थान स्मार्टफोन आयात भएको हो।

चालु आवको यो अवधिमा स्मार्टफोन आयातबाट सरकारले ३ अर्ब ५० करोड ९६ लाख ९० हजार रुपैयाँ राजश्व संकलन गरेको छ। नेपालमा यो अवधिमा नाम नखुलेको एकसहित ५८ मुलुकबाट स्मार्टफोन आएको  भन्सार विभागको तथ्याङ्कमा देखिन्छ।

नेपालमा सबैभन्दा धेरै स्मार्टफोन चीनबाट आउने गरेको छ। यो महिनामा चीनबाट ७ अर्ब ९ करोड ९८ लाख ३० हजार रुपैयाँ बराबरको ३ लाख ६५ हजार ५४५ थान स्मार्टफोन आयात भएको छ।

भारतबाट २ अर्ब ४१ करोड ९९ लाख ९ हजार रुपैयाँ बराबरको ३४ हजार ७१ थान स्मार्टफोन आएको भन्सार विभागको तथ्यांकमा देखिन्छ।
बाँकी ४६ मुलुकबाट पनि विभिन्न परिमाण र रकमका स्मार्टफोनहरु आयात भएको छ।

ती मध्ये दुई अंकसम्मको आयात विवरण तालिका यस प्रकार छ: