गुगल जेमिनीले अब डकुमेण्टहरू ठूलो स्वरमा पढ्न सक्ने

काठमाडौं ।

प्रयोगकर्ताहरूले जेमिनीको कन्टेण्टको साउण्ड (ध्वनि) र प्लेब्याक स्पिड (गति) समायोजन गर्ने क्षमता पाउने भएका छन्।

गुगल डक्सले प्रयोगकर्ताहरूलाई आर्टीफिशियल इन्टेलिजन्सको मद्दतले आफ्नो डकुमेण्ट (कागजात) को अडियो संस्करण उत्पन्न गर्न अनुमति दिने भएको छ।

यो नयाँ सुविधाको घोषणा गर्दै गुगलले विभिन्न भ्वाइस (आवाज) र प्लेब्याक स्पिड (गतिहरू) मार्फत जेमिनी एआईको भ्वाइस रिजल्ट (आवाज परिणामहरू) कस्टमाइज गर्न सम्भव हुने बताएको छ।

यो सुविधा केवल डकुमेण्ट ञिmयटर (कागजात सिर्जनाकर्ता) को लागि मात्र नभएको र पाठकहरूले सेयर गरिएका डकुमेण्ट (कागजात) मा “टुल” ड्रप–डाउन मेनु र त्यसपछि “अडियो > “लिसन टु दिस” ट्याब चयन गरेर एआई–उत्पन्न अडियो एक्सेस गर्न सक्नेछन् भनि गुगलले बताएको छ।

लेखकहरूले “इनसर्ट > अडियो” छनौट गरेर डकुमेण्ट (कागजात) मा सिधै कस्टमाइजेबल अडियो बटन थप्न सक्नेछन् र पाठकहरूले क्लिक गरेर सुन्न सुरु गर्न सक्नेछन्।

गुगलले अप्रिलमा आर्टीफिशियल इन्टेलिजन्सको मद्दतले प्रयोगकर्ताहरूंलाई आफ्ना डकुमेण्ट (कागजातहरू) लाई पोडकास्टमा परिणत गर्न दिने योजनाको घोषणा गरेको थियो। साथै आफूले लेखेको कुरा सुन्न चाहनेहरुका लागि यो सुविधा धेरै उपयोगी हुने उल्लेख गरिएको छ।

हाल, डकुमेण्ट (कागजात) हरूको अडियो संस्करणहरू अंग्रेजीमा र डेस्कटप डिभाइसहरूमा मात्र उत्पन्न गर्न सकिने छ।

गुगलले यो अडियो सुविधा व्यवसाय, उद्यम, वा शिक्षा योजना भएका डक्स स्फर वर्कस्पेस प्रयोगकर्ताहरूका साथै एआई प्रो र अल्ट्रा सदस्यता भएकाहरूमा ल्याइरहेको टेलीग्राफले रिपोर्ट गरेको छ