गुगलले २७ वर्षपछि प्रसिद्ध विकल्प हटायो?

काठमाडौं ।

गुगलले २७ वर्षदेखि प्रयोगकर्ताहरूका लागि आफ्नो गृहपृष्ठमा रहेको “आई एम फिलिङ्ग लक्की” बटन प्रयोग गर्ने अवसर प्रदान गर्दै आएको छ।

तर, अब कम्पनीले चाँडै नै यो सुविधा खारेज गरेर इतिहासमा हस्तान्तरण गर्न सक्ने जस्तो देखिन आएको उल्लेख गरिएको छ।

टेक जायन्टले हाल आफ्नो आर्टिफिसियल इन्टेलिजेन्स (एआई) च्याटबटलाई होमपेज (गृहपृष्ठ) मा एकीकरण गर्नको लागि परीक्षण गरिरहेको छ। साथै कम्पनीले “लक्की” बटनलाई नयाँ “एआई मोड” ले प्रतिस्थापन गर्ने विचार गरिरहेको उल्लेख गरिएको छ।

यो मोड चयन गरेर, प्रयोगकर्ताले कन्भरसेस्नल सर्च इन्टरफेसमा प्रवेश गर्नेछन्, जसले परिणामहरूको लामो सूची हेर्नुपर्ने आवश्यकतालाई हटाउनेछ। गुगलले यस महिनाको सुरुमा आधिकारिक रूपमा यो कार्यक्षमताको घोषणा गरेको थियो।

विरलै वा कहिल्यै प्रयोग नगर्नेहरूका लागि, “आई एम फिलिङ्ग लक्की” बटनको फङ्गसन (कार्य) को बारेमा थाहा नहुन सक्छ। यस बटनले अनिवार्य रूपमा, डेस्कटप संस्करणमा सर्च (खोज) परिणामहरूको मानक सूचीलाई बाइपास गर्छ र तपाईंलाई सिधै तपाईंको सर्च (खोज) सँग मिल्ने पृष्ठमा लैजान्छ। यस बटनको प्रयोगको तथ्याङ्कीय डाटा दुर्लभ भएको बताइएको छ। तर सन् २००७ मा, पूर्व गुगल सीईओ मारिसा मेयरले सबै सर्च (खोज) हरूको लगभग १ प्रतिशत यस मार्फत गरिएको अनुमान गरेका थिए।

मोबाइल डिभाइसहरू (जहाँ यो बटन उपलब्ध छैन) मार्फत खोजी गर्ने प्रयोगकर्ताहरूको बढ्दो संख्यालाई ध्यानमा राख्दै, आज यसको प्रयोगको प्रतिशत अझ कम हुन सक्ने बताइएको छ।

यो सुविधाको लागि यो अन्तिम विकल्प भने नएको हुन सक्ने उल्लेख गरिएको छ। गुगलले सर्च फिल्डको दायाँपट्टि एआई मोड कार्ड राख्ने अर्को विकल्पको बारेमा पनि विचार गरिरहेको बताइएको छ। यदि यो विचार लागू गरियो भने, पौराणिक “लक्की” बटन अस्तित्वमा रहन सक्ने सम्भावनाको उल्लेख गरिएको छ।

“लक्की” बटनको भाग्यमाथि प्रश्न उठाइएको यो पहिलो पटक भने होइन। प्रयोगकर्ताहरूले आफ्ना प्रश्नहरू टाइप गर्दा रियल टाइम (वास्तविक समय) मा सर्च (खोज) परिणामहरू प्रदर्शन गर्ने, सर्च (खोज) हरूलाई छिटो र अधिक सहज बनाउने उद्देश्यले सन् २०१० मा, गुगलले गुगल इन्स्ट्यान्ट सुविधा प्रस्तुत गरेको डिजिटल ट्रेन्ड्सले रिपोर्ट गरेको छ।

बटन आफ्नै ठाउँमा रहे पनि टाइप गर्दा देखा पर्ने परिणामहरूले यसलाई ढाक्ने गरेको बताइएको छ। गुगलले सन् २०१७ मा गुगल इन्स्ट्यान्ट हटाएको थियो र “लक्की” बटन फेरि सबैका लागि देखिन थालेको थियो। तर यस पटक भने, “खतरा” बढी गम्भीर देखिएको टेलिग्राफले उल्लेख गरेको छ।