काठमाडौं ।
फोर्डले सन् २०२३ को जुलाईमा आफ्नो प्रतिष्ठित फिएस्टा मोडेलको उत्पादन बन्द गरेको थियो। अब, फोर्डले यस मोडेललाई विद्युतीय संस्करणको रूपमा फिर्ता गर्ने विचार गरिरहेको उल्लेख गरिएको छ।
जर्मनीको कोलोनमा रहेको कारखाना विद्युतीय सवारी साधनको उत्पादनको लागि २ अर्ब डलरको लगानीमा पहिले नै आधुनिकीकरण गरिएको र यसले नयाँ मोडेलको लागि आधारको रूपमा काम गर्न सक्छ भनि टेलिग्राफ रिपोर्ट गर्दछ।
फक्सवागनसँगको सफल सहकार्यको साथ, फिएस्टालाई भीडब्ल्यूको एमईबी इन्ट्री इलेक्ट्रिक प्लेटफर्ममा निर्माण गर्न सकिने बताइएको छ जुन आईडी.१ र आईडी.२ मोडेलहरूको लागि प्रयोग गरिने उल्लेख गरिएको छ।
फिएस्टा ईभीमा फोर्डको विशिष्ट डिजाइन र आईडी.२ को जस्तै आयामहरू हुने अपेक्षा गरिएको छ भने जसको सम्भावित रेञ्ज ४५० किलोमिटरसम्म हुनेछ।
फोर्डले पुमा जेन–ई मोडेलको साथ विद्युतीकरण सुरु गरिसकेको बताइएको छ। त्यसैगरी कम्पनीले क्यालिफोर्नियामा किफायती इलेक्ट्रिक कारहरूको लागि नयाँ प्लेटफर्म पनि विकास गरिरहेको बताइएको छ भने सन् २०२७ मा इलेक्ट्रिक पिकअप लन्च हुने अपेक्षा गरिएको टेलीग्राफले उल्लेख गरेको छ।
प्रकाशित: २२ बैशाख २०८२, सोमबार
