ब्याट्री फुलेको पिक्सेल ७ए का लागि निःशुल्क मर्मत सेवा दिँदै गुगल

काठमाडौं ।

गुगलले पिक्सेल ७ए को ब्याट्री समस्याको समाधानका लागि निःशुल्क मर्मत सेवा र (केही देशहरूमा) क्षतिपूर्तिको व्यवस्था गरेको छ। ९टू५गुगलले भेटेको एक गुगल सपोर्ट पेजमा ४० देशहरूमा लागू हुने विस्तारित मर्मत कार्यक्रमको विवरण दिइएको छ।

तपाईंको पिक्सेल ७ए सुन्निएको देखिन्छ वा ब्याट्री सामान्यभन्दा छिटो सकिन्छ भने, तपाईंले निःशुल्क ब्याट्री परिवर्तन पाउन सक्नुहुन्छ।

कम्पनीले भनिएको छ, “केही पिक्सेल ७ए  फोनहरूमा अप्रत्याशित रूपमा ब्याट्री सुन्निने समस्या देखिएको छ।” यस्तो समस्या भएको संकेतहरूमा फोन सामान्यभन्दा बाक्लो देखिनु, पछाडिको कभर फुलेको देखिनु, छेउमा खाली ठाउँ देखिनु वा ब्याट्री चाँडै सकिनु पर्छ।

गुगल ले पिक्सेल ७ए को समस्याबारे सामाजिक सञ्जालमा आएका गुनासाहरूपछि मात्र कदम चालेको हो। उदाहरणका लागि, डिसेम्बर महिनामा u/Eszence08 ले Pixel subreddit मा पोष्ट गर्दै गुगल सपोर्टबाट सहयोग नपाएको र रेडिटमा पोष्ट गरेपछि मात्र समाधान पाएको उल्लेख गरेका थिए। उनले लेखेका छन्, “पोष्ट गर्नुहोस्; गुगलले च्याट सपोर्टभन्दा रेडिटमा बढी सहयोग गर्छ।”

इन्ग्याजेटका अनुसार तपाईंको फोनमा यीमध्ये एक वा धेरै लक्षणहरू देखिए पनि, अघि बढ्नुअघि फोनको जाँच अनिवार्य छ। तपाईं गुगल को इलिजिबिलिटी पेजमा गएर आफ्नो उपकरण योग्य छ कि छैन पत्ता लगाउन सक्नुहुन्छ। त्यसपछि, मर्मत प्राविधिकले फोन जाँच गर्नेछन्।

यो अन्तिम प्रक्रिया आवश्यक छ किनभने पानी लाग्नु, धारिलो वस्तुबाट क्षति वा जबर्जस्ती खोलिएको जस्ता कारणहरूबाट भएको क्षतिले मर्मत सेवा अमान्य बनाउँछ। (यी चेतावनीहरूबाट यस्तो बुझिन्छ कि गुगल ले नक्कली मर्मत नहोस् भन्ने सुनिश्चित गर्न खोजेको हो।) साथै, ग्यारेन्टीबाहिरको स्क्रिन वा कभर ग्लास फुटेको छ भने मर्मत खर्च लाग्नेछ, जसको लागि गुगल ले अनुमानित लागत प्रदान गर्नेछ।

देशअनुसार सेवा विवरण हेर्दा, स्थिति केही जटिल देखिन्छ। अमेरिका र भारतमा तपाईंले आफ्नो फोन गुगल लाई पठाउन सक्नुहुन्छ वा अनुमति प्राप्त मर्मत केन्द्रमा लैजान सक्नुहुन्छ। क्यानडा, बेलायत, जर्मनी, जापान र सिंगापुरमा वाक-इन सेवा उपलब्ध छ, तर मेल-इन सेवा छैन।

अष्ट्रेलिया, मलेसिया, ताइवान, स्विजरल्याण्ड र ईएफए देशहरूमा यो कार्यक्रम लागू छ। यदि तपाईंको देश सूचीमा छैन भने, तपाईंले कुनै सेवा पाउनुहुन्न।

तर, अमेरिका र भारत बाहेकका देशहरूमा मेल-इन सेवा नभएकाले गुगलले वैकल्पिक क्षतिपूर्ति वा स्टोर क्रेडिटको विकल्प दिएको छ। प्रयोगकर्ताको पिक्सेल ७ए वारेन्टीबाहिर छ भने २०० डलर, (स्थानीय मुद्रामा रूपान्तरण गरिएको) वा अर्को पिक्ल फोन किन्नका लागि ३०० डलरको गुगल स्टोर डिस्काउन्ट कोड पाउन सक्छन्। यदि फोन अझै वारेन्टीमा छ भने ४५६ डलर (स्थानीय मुद्रामा) को नगद भुक्तानी पाउन सक्ने जनाइएको छ ।