काठमाडौं ।
चिनियाँ टेक कम्पनी शाओमीले आफ्ना इभीहरु चीन बाहिरको बजारमा आगामी केहि वर्षभित्र बेच्ने योजना रहेको बताएको छ।
कम्पनीका अध्यक्ष विलियम लुले आइतबार आगामी केही वर्ष भित्रै चीन बाहिर आफ्ना विद्युतीय सवारी साधनहरू बेच्न सुरु गर्ने योजना रहेको घोषणा गरेका हुन्। कुनै ठोस समयसीमा नभए पनि, उनको टिप्पणीले विश्वव्यापी इभी बजारमा टेस्ला जस्ता खेलाडीहरूलाई चुनौती दिन चिनियाँ प्रविधि दिग्गजको महत्वाकांक्षालाई जोड दिन्छ।
“म धेरै विवरणहरू साझा गर्न सक्दिन तर म हाम्रा विश्वव्यापी प्रयोगकर्ताहरूलाई यो कुरा बताउन पाउँदा धेरै उत्साहित छु कि शाओमीले आगामी केही वर्ष भित्र विश्वव्यापी बजारमा बिक्रीको लागि इभीहरू जारी गर्नेछ,” लुले भने।
यस हप्ता, शाओमीले चीनमा एसयू७ अल्ट्रा नामक आफ्नो पहिलो प्रिमियम इभी लन्च गर्यो, जुन ५२९,००० चिनियाँ युआन (७२,६२७ डलर) बाट सुरु हुन्छ। लुले बताएअनुसार, कारले २४ घण्टामा १५,००० अर्डरहरू प्राप्त गरेको थियो। उक्त कार स्पेनको वार्सिलोनामा चलिरहेको एमडब्लुसीमा कम्पनीको बुथमा प्रदर्शनमा राखिएको छ।
सन् २०२१ मा इभी खण्डमा प्रवेश गरेको घोषणा गरेपछि यो शाओमीको दोस्रो विद्युतीय कार हो। कम्पनीको पहिलो गाडी एसयू७ (SU7) गत वर्ष मार्चमा लन्च गरिएको थियो। स्मार्टफोन खेलाडीको रूपमा परिचित यो कम्पनीले चीनमा मात्र आफ्ना ईभीहरू बेच्छ तर यो विश्वको तेस्रो ठूलो स्मार्टफोन विक्रेता हो।
शाओमीको एसयू७ सफल भएको छ, र कम्पनीले गत वर्ष एक लाख भन्दा बढी युनिटहरू डेलिभर गरेको छ।
प्रकाशित: २० फाल्गुन २०८१, मंगलवार
