मस्कले ओपनएआईका संस्थापकद्वय माथि फेरि हाले मुद्दा

काठमाडौं ।

स्पेसएक्सका मालिक इलन मस्कले आर्टिफिसियल इन्टेलिजेन्स कम्पनी ओपन एआईका दुई संस्थापक साम अल्टम्यान र ग्रेग ब्रक्मयानविरुद्ध फेरि एकपटक मुद्दा दायर छन् । अन्तरराष्ट्रिय समाचार संस्था फर्स्टपोस्टले उल्लेख गरे अनुसार २ महिनाअघि यस्तै मुद्दा फिर्ता लिएका मस्कले फेरि मुद्दा हालेका हुन् ।

सन् २०१५ मा  कम्पनी खोल्दा मानवताको हित गर्ने लक्ष्य राखेर गैर नाफामसखी भनिएको यो संस्थाले अहिलेको लक्ष्यबाट विमुख भएर नाफा कमाउने तर्फ गएको मस्कको मुख्य तर्क रहेको छ ।

विशेषगरी माइक्रोसफ्टसँगको सहकार्यमा मस्कको असहमति रहेको देखिन्छ। उनी आफैं सहसंस्थापक भएको र कम्पनी छोडेपछि पनि आर्थिक सहयोग गरिरहेको ओपनएआई हाल आएर माइक्रोसफ्टसँग मिलेर नाफा उन्मुख हुनु कम्पनीको उद्देश्यबाट विमुख हुनु रहेको उनको आरोप हो।

मस्कका वकिल मार्क टोबरफले यो नयाँ र पुरानो मुद्दामा केही फरक भएको बताए । उनले अल्टम्यान र ब्रकम्यानले मस्क र सर्वसाधारणका बारेमा गलत ब्याख्या गरेको आरोप लगाएका छन्।

टोबरफले यस प्रकारको गलत ब्याख्याका सहयोगमा कम्पनीले गरेको कमाईबाट मस्कलाई क्षतिपूर्ति भराइनुपर्ने माग गरेका छन्। उक्त मुद्दाको जवाफमा ओपनएआईले गत मार्चमा प्रकाशन भएको एउटा ब्लगतर्फ इंगित गर्दै आर्टिफिसियल इन्टेलिजेन्सले सर्वसाधारण वा मानवजातिकै हित गर्ने तर्क पेश गरेको छ।