गूगलको पूर्व इन्जिनियर माथि एआईको गोप्य जानकारी चोरीको आरोप

काठमाडौं ।

अमेरिकामा गूगलका एक पूर्व सफ्टवेयर इन्जिनियरलाई दुई चिनियाँ कम्पनीका लागि गोप्य रूपमा काम गर्दा आर्टिफिसियल इन्टेलिजेन्स (एआई) को व्यापार गोप्य चोरी गरेको अभियोग लगाइएको छ।

लियोन डिङ भनेर चिनिने लिनवेई डिङलाई क्यालिफोर्निया राज्यमा चार आरोप लगाइएको र बुधबार पक्राउ गरिएको हो।

चिनियाँ नागरिक माथि ५०० भन्दा बढी गोप्य फाइलहरू चोरेको आरोप छ।

उनले प्रत्येक आरोपमा १० वर्ष जेल र साढे २ लाख अमेरिकी डलर जरिवानाको सामना गर्न सक्छन्।

यस मुद्दामा टिप्पणी गर्न डिङका वकिललाई पहिचान गर्न नसकिएको स्थानीय मिडियाले रिपोर्ट गरेको बीबीसीले उल्लेख गरेको छ।

उनीमाथि आरोप लगाइएको जानकारी गूगलको सुपरकम्प्युटिङ डाटा सेन्टरहरूको पूर्वाधारसँग सम्बन्धित छ। जुन ठूला एआई मोडेलहरू होस्ट गर्न र तालिम दिन प्रयोग गरिन्छ।

अभियोग अनुसार डिङलाई गूगलले २०१९ मा काममा लिएको थियो र उनको जिम्मेवारीमा उक्त सफ्टवेयर विकास गर्ने समावेश थियो।

उनले कथित रूपमा मे २०२२ मा गूगलको नेटवर्कमा स्टोर गरिएको जानकारी व्यक्तिगत गूगल अकाउन्टमा अपलोड गर्न थाले। यी अपलोडहरू एक वर्षको लागि आवधिक रूपमा जारी रहेको अभियोगमा लेखिएको छ।