काठमाडौं ।
लीग अफ लिजेन्ड्स, टिमफाइट ट्याक्टिक्स र रिओट गेम्सको पुरानो एन्टी–चीटका लागि स्रोत कोडहरू चोरी भएका थिए। यो जानकारी ब्लूमबर्गको स्टुडियोको २४ जनवरीको म्यासेजलाई उद्धृत गर्दै आएको हो, ह्याकरहरूले जनवरी २० मा यसको एक्सेस प्राप्त गरेका थिए।
ह्याकर्सले एमओबीए गेमको सोर्स चोर्न सफल भएका छन्। उनीहरुले रिओट गेम्र्ससँग १० मिलियन अमेरिकी डलर दाबी गरेका छन्। ह्याकर्सले स्टुडियोलाई एउटा र्यान्डम इमेल पठाएका छन्।
‘हामीले तपाईको डाटा प्राप्त गरेका छौं। जसमा एन्टी–चीट स्रोत कोड र लीग अफ लिजेन्ड्स र यसका उपकरणहरूको लागि सम्पूर्ण खेल कोड, साथै प्याकम्यान, तपाईंको प्रयोगकर्ता मोड एन्टि–चीट छन्। हामी यी कलाकृतिहरूको महत्व बुझ्छौं र जनतामा तिनीहरूको रिलिजले तपाईंको प्रमुख टाइटलहरू, भोलेरेन्ट र लीग अफ लिजेन्ड्समा पार्ने प्रभावलाई बुझ्छौं। यसका लागि १० मिलियन अमेरिकी डलर बराबरको रकमको लागि अनुरोध गर्दैछौं।’
प्रमाणका लागि ह्याकरहरुले स्टुडियोलाई दुई ठूला पीडीएफ फाइलहरु पनि पठाएका छन्। यसबाट उनीहरु प्याकम्यान र लीग अफ लिजेनड्सको स्रोत कोडहरुमा एसेस गर्न सक्छन्।
ह्याकरहरुले फिरौती रकम प्राप्त गरेपछि आफ्नो सर्भरबाट कोड हटाउने र यी उल्लंघन कसरी भएको बारेमा जानकारी प्रदान गर्ने र भविष्यमा उल्लंघन रोक्नका लागि सल्लाह दिने जनाएका छन्।
फिरौतीको नोटमा यो पनि थपियो कि ‘हामी तपाईको प्रतिष्ठामा हानि गर्न वा सार्वजनिक अशान्ति पैदा गर्न चाहँदैनौं। हाम्रो उद्देश्य भनेको आर्थिक लाभ हो।’
ह्याकरहरुलाई रकम भुक्तानी गर्नका लागि स्टुडियोसँग १२ घण्टाको समय छ। अन्यथा उनीहरुले यसलाई सार्वजनिक गर्नेछन्। स्टुडियोले ह्याकरहरुलाई १० मिलियन अमेरिकी डलर भुक्तानी नगर्ने भनेर ट्विटरमा सेयर गरेको छ।
हाल स्टुडियोले आक्रमणको प्रभाव र सिस्टमको अडिट गर्दैछ। साथै कम्पनीले कानुनी बाटो अपनाउने प्रयास पनि गरिरहेको छ।
प्रकाशित: १२ माघ २०७९, बिहीबार
