काठमाडौं ।
गुगल सर्चमा, यदि तपाईंको फोटो, नाम, ठेगाना, फोन नम्बर, इमेल ठेगाना जस्ता चीजहरू देखा पर्छन् भने, तपाईंले यसलाई अब हटाउन सक्नुहुन्छ। यसका लागि तपाईंले गुगललाई अनुरोध पठाउनुपर्छ।
वास्तवमा, गुगलले विगतमा प्रयोगकर्ताहरूलाई गुगल सर्चबाट व्यक्तिगत जानकारी हटाउन अनुरोध गर्ने विकल्प दिएको थियो, तर अब गुगलले यसको दायरा विस्तार गरेको छ। यसको अर्थ अब तपाईंले गुगल सर्चबाट आफ्नो धेरै व्यक्तिगत जानकारी हटाउन सक्नुहुन्छ।
यसअघि गुगलले बैंक खाता विवरण, क्रेडिट कार्ड विवरण आदि जस्ता संवेदनशील जानकारी मेटाउनका लागि मात्र अनुरोध स्वीकार गर्दथ्यो तर अब नाम, ठेगाना, फोन नम्बर, फोटो, इमेल ठेगानाका लागिसमेत अनुरोधहरू स्वीकार गरिनेछ।
गुगल सर्चको ग्लोबल पोलिसी लीड फर सर्च मिशेल चाङले एक ब्लग पोस्टमा यो नयाँ नीति विस्तार गरेपछि मानिसहरूले आफ्नो व्यक्तिगत जानकारी गुगल सर्चबाट हटाउन अनुरोध गर्न सक्ने बताईन्।
यी जानकारीमा व्यक्तिको नाम, ठेगाना, फोन नम्बर समावेश हुन्छ। त्यसैगरी इमेल ठेगाना, भौतिक ठेगाना र फोटो जस्ता सबै चीजहरू समावेश गरिनेछ।
उनले यो सबै गुगल सर्च रिजल्टमा देखिने र यसले प्रयोगकर्तालाई हानि पुग्ने जसका कारण गुगलले अब यसलाई पनि हटाउन थालेको बताईन्।
यदि कुनै सामग्री सरकारी वेबसाइटमा वा सार्वजनिक रेकर्डमा उल्लेख गरिएको छ भने यसलाई हटाइने छैन। गुगलमा यस्ता धेरै वेबसाइटहरू छन्, जहाँ भुक्तानी गरेर अर्को व्यक्तिको फोन नम्बर वा इमेल ठेगाना प्राप्त गर्न सकिन्छ। यो विधि गैरकानूनी छ र अब गुगलले यसलाई क्र्याक गर्न गइरहेको छ।
प्रकाशित: १८ बैशाख २०७९, आईतवार
