काठमाडौं ।
गत वर्ष एप्पलले आफ्ना उत्पादनहरूको प्याकेजिङबाट सबै प्लास्टिक हटाउने लक्ष्य हासिल गरेको छ। अब ग्राहकले खरिद गर्ने प्रत्येक एप्पल ग्याजेट १०० प्रतिशत फाइबर–आधारित प्याकेजिङमा आउने र तिनीहरुलाई घरमै रिसाइकल (पुनः प्रयोग) गर्न सकिने छ।
ग्याजेटहरू आफैंमा पनि धेरै रिसाइकल गरिएका म्याटेरियल्स (सामग्रीहरू) छन्। कम्पनीले गत वर्ष ढुवानी गरेको उत्पादनहरूमा ३० प्रतिशत रिसाइकल गरिएका सामग्रीहरू प्रयोग गरेको छ। साथै तीन विशिष्ट क्षेत्रहरूमा रिसाइकल गरिएको सामग्री १०० प्रतिशत छः
क्युपर्टिनोले आफ्नो आपूर्ति श्रृंखलाबाट बलियो मानव अधिकार र वातावरणीय सुरक्षाको माग गर्ने भएकाले एप्पल उत्पादनमा प्रयोग हुने सबै सामग्रीहरू रिसाइकल गरिएको वा अन्यथा जिम्मेवारीपूर्वक स्रोत गरिने छ।
नयाँ म्याकबुक नियो शीर्ष पर्यावरण–मैत्री उत्पादनहरू मध्ये एकको रूपमा बाहिर आउँदा व्यक्तिगत उत्पादनहरूमा पनि सुधार भइरहेको छ भने त्यसले समग्रमा ६० प्रतिशत रिसाइकल गरिएको सामग्री समावेश गर्दछ। साथै यो एप्पल उत्पादनमा अहिलेसम्मकै सबैभन्दा रिसाइकल गरिएको सामग्री हो।
६०० अमेरिकी डलरको ल्यापटपको इनक्लोजर (घेरा) म्याटेरियल–इफिसियण्ट फर्मिङ्ग प्रोसेस प्रयोग गरेर बनाइएको हुनाले कच्चा पदार्थको प्रयोगलाई आधा घटाउने उल्लेख गरिएको छ भने त्यसको लागि एप्पलका डिजाइनर र इन्जिनियरहरू धेरै नै श्रेय पाउन योग्य रहेको बताइएको छ। साथै ७० प्रतिशत पानी पुनः प्रयोग हुने भएकाले एल्युमिनियमलाई एनोडाइज गर्दा समग्रमा कम पानी प्रयोग हुने उल्लेख गरिएको छ।
नयाँ पूर्ण–फाइबर प्याकेजिङको प्रयोगको साथ कम्पनीले विगत ५ वर्षमा प्लास्टिकको प्रयोग १५,००० मेट्रिक टनभन्दा बढी घटाएको एप्पलले रिपोर्ट गरेको छ।
साथै, विश्वव्यापी रूपमा एप्पलका कार्यालयहरू र स्टोरहरूले १०० प्रतिशत नवीकरणीय ऊर्जा प्रयोग गर्दछन् भने कम्पनीको आपूर्ति श्रृंखलाले २० गिगावाटभन्दा बढी नवीकरणीय ऊर्जा प्रयोग गर्ने उल्लेख गरिएको छ।
त्यस्तै गरी, एप्पल सुविधाहरू (५५ प्रतिशत पानी पुनः भरिन्छ) र त्यसका आपूर्तिकर्ताहरू (पानीको प्रयोग १७ अर्ब ग्यालनले घटाउँछ) मा पानीको प्रयोग घटाइएको थप उल्लेख गरिएको छ।
एप्पलको २०३० को लागि महत्वाकांक्षी लक्ष्यहरू छन् र कम्पनीले आफ्नो सञ्चालनलाई पूर्ण रूपमा कार्बन तटस्थ बनाउनुका साथै आफ्ना सुविधाहरूद्वारा प्रयोग गरिएको सबै पानी पुनः भर्न चाहन्छ।
पृथ्वी दिवस मनाउनका लागि एप्पल स्टोरहरूले छानिएका केही एप्पल उत्पादनहरू रिसाइकल गर्ने उपभोक्ताहरूलाई एयरपड्स र एक्सेसरिजहरूमा १० प्रतिशत छुट प्रदान गर्ने भएको छ। यो अफर मे १६ सम्म मान्य रहने जीएसएमएरिनाले रिपोर्ट गरेको छ।
प्रकाशित: ५ बैशाख २०८३, शनिबार
