गुगल क्रोमले स्पीडोमिटर ३ प्रदर्शन परीक्षणमा अहिलेसम्मको उच्चतम स्कोर प्राप्त गर्यो

काठमाडौं ।

गुगलले यसको आफ्नो क्रोम ब्राउजरले स्पीडोमिटर ३ पर्फमेन्स टेस्ट (प्रदर्शन परीक्षण) मा “अहिलेसम्मको उच्चतम स्कोर” हासिल गरेको घोषणा गरेको छ।

स्पीडोमिटर ३ ब्राउजर पर्फमेन्स मापन गर्नको लागि डिजाइन गरिएको हो जुन गुगल, एप्पल, इन्टेल, माइक्रोसफ्ट र मोजिलासँगको सहकार्यमा सिर्जना गरिएको बताइएको छ।

अझ विशेष रूपमा, यो टेस्ट मेजर्स (परीक्षण) ले एचटीएमएल, जाभास्क्रिप्ट र जेएसओएन प्रोसेसिङ्ग गर्ने, पिक्सेल रेन्डर गर्ने, सीएसएस लागू गर्ने जस्ता थप अन्य धेरै फरक कार्यहरूमा रेसपोन्सिभनेस (प्रतिक्रियाशीलता) मापन गर्दछ।

गुगलले विगत एक वर्षमा लागू गरेको अप्टिमाइजेसनले सन् २०२४ को अगस्ट सम्ममा १० प्रतिशत पर्फमेन्समा सुधार भएको र यसले अन्तिमका प्रयोगकर्ताहरूको लागि राम्रो ब्राउजर अनुभवको परिणाम दिएको कम्पनीले बताएको छ।

म्याकओएस १५ र एम४ प्रोसेसर भएको म्याकबुक प्रोमा, क्रोम संस्करण १३९ ले पर्फमेन्स टेस्ट (प्रदर्शन परीक्षण) मा ५२.३५ को स्कोर हासिल गरेको छ।

एप्पलले भने लामो समयदेखि आफ्नो सफारीको अधिकतम स्पीडोमिटर ३ पर्फमेन्स (परीक्षण) को परिणामहरू साझा नगरेको हुनाले क्रोम र सफारी बीचको प्रत्यक्ष तुलना उपलब्ध नभएको बताइएको छ। गुगलले नयाँ स्पीडोमिटर ३.१ संस्करण नभइ स्पीडोमिटर ३ परीक्षण प्रयोग गरेको टेलीग्राफले उल्लेख गरेको छ।