गुगलद्वारा आफ्नो ‘जी’ लोगोमा परिवर्तन, अब यस्तो देखिन्छ

काठमाडौं ।

गुगलले लगभग एक दशकमा पहिलो पटक आफ्नो रङ्गीन “जी” लोगो अपडेट गरेको छ।

आईओएसमा गुगल एपको अपडेटमा लोगोको रातो, पहेंलो, हरियो र नीलो रङहरूलाई ग्रेडियन्टमा ब्लेण्ड (मिसाउने) गरिएको नयाँ लोगो देख्न सकिने ९टु५गुगलले रिपोर्ट गरेको छ।

गुगलले अन्तिम पटक सन् २०१५ सेप्टेम्बरमा आफ्नो लोगोमा ठूलो परिवर्तन गरेको थियो र त्यस समयमा, कम्पनीले आफ्नो फन्ट अपडेट गरेको थियो।
त्यस समयमा, गुगलले ब्रान्डका सबै रङहरू समावेश गर्ने नयाँ “जी” लोगो पनि अनावरण गरेको थियो।

हालको यो परिवर्तन भने अलि बढी सूक्ष्म भएको हुन सक्ने र ब्लेण्ड गरिएको नयाँ लोगोले यसलाई जेमिनी लोगो डिजाइनको लागि प्रयोग गरिएको ग्रेडियन्टसँग मिल्दोजुल्दो बनाएको उल्लेख गरिएको छ।

अहिलेसम्म, गुगलले आफ्नो आईओएस एपमा मात्र आफ्नो लोगो अपडेट गरेको देखिएको छ।

एन्ड्रोइड र वेबमा “जी” अझै पनि रङहरू बीचको डिस्टिङ्कट बोर्डर (फरक किनार) हरूसँग देख्न सकिने टेलिग्राफले रिपोर्ट गरेको छ।