ओपनएआईद्वारा पहिलो इन-हाउस चिप निर्माण गर्न ब्रोडकम र टीएसएमसीसँग सम्झौता

काठमाडौं ।

ओपनएआई अहिले आफ्ना कृत्रिम बुद्धिमत्ता अर्थात् एआई प्रणालीहरूको समर्थन गर्न पहिलो इन-हाउस चिप निर्माण गर्न ब्रोडकम र टीएसएमसीसँग साझेदारी गरिरहेको छ। साथै एनभिडिया चिपहरूमा एएमडी चिपहरू थपेर बढ्दो इन्फ्रास्ट्रक्चर आवश्यकतालाई पूरा गर्न काम गरिरहेको छ।

च्याटजीपीटी निर्माता ओपनएआई ले चिप आपूर्तिलाई विविधता दिने र लागत घटाउने विभिन्न विकल्पहरूको अध्ययन गरेको छ। कम्पनीले सबै चिपहरू आफैं निर्माण गर्ने र महँगो लगानी उठाएर “फाउन्ड्री” भनेर चिनिने चिप निर्माणको कारखाना नेटवर्क बनाउन योजना पनि सोचेको रोयटर्सले उल्लेख गरेको छ।

तर यो ठूलो लागत र समय चाहिने भएकाले ओपनएआई ले अहिलेलाई फाउन्ड्रीको योजना छोडेर यसको सट्टामा इन-हाउस चिप डिजाइनमा ध्यान केन्द्रित गर्ने योजना बनाएको छ।

ओपनएआई को यो रणनीतिले कसरी उद्योग साझेदारी र आन्तरिक र बाह्य स्रोतहरूको संयोजन प्रयोग गर्दै लागत व्यवस्थापन गर्दै चिप आपूर्ति सुनिश्चित गरिरहेको छ भन्ने कुरा देखाउँछ।

अमेजन, मेटा, गुगल र माइक्रोसफ्टजस्ता ठूला प्रतिस्पर्धीहरू जस्तै, ओपनएआई को विभिन्न चिप निर्माताहरूबाट आपूर्ति गर्ने निर्णय र आफ्नै अनुकूलित चिप विकास गर्ने प्रयासले टेक उद्योगमा महत्वपूर्ण प्रभाव पार्न सक्छ।

यो समाचारपछि ब्रोडकमको स्टकमा ४.५% भन्दा बढीको वृद्धि देखियो भने एएमडी को शेयर पनि ३.७% ले बढेको थियो।

ओपनएआई लाई आफ्नो प्रणालीहरूको तालिम र चलाउन ठूलो कम्प्युटिङ शक्ति चाहिन्छ र यसले एनभिडिया को जीपीयूको सबैभन्दा ठूलो खरिदकर्ताहरूमध्ये एक हो।