ब्याट्री समस्या भएपछि ‘टाङ डीएम’ हाडब्रीड गाडी रिकल गर्दै बीवाईडी

काठमाडौं ।

चिनियाँ कार निर्माता कम्पनी बीवाईडी कम्पनी लिमिटेडले ब्याट्री प्याक ट्रेमा गडबडीका कारण थप ‘टाङ डीएम’ सवारीसाधन रिकल गरेको छ।

देशको बजार नियामकअनुसार सो गडबडीले ट्रेमा पानीको बहावलाई जोखिममा पारेको उल्लेख गरेको छ।

बीवाईडी बिक्रीको आधारमा संसारको सबैभन्दा ठूलो इलेक्ट्रिक भेहिकल निर्माता हो। यसको अप्रिल ५, २०२१ र अप्रिल १८, २०२२ बीच उत्पादन गरिएको सबैभन्दा धेरै बिक्री हुने प्लग-इन हाइब्रिड मोडेलको ५२,९२८ यूनिटहरु रिकल गर्ने बजार नियमनका लागि राज्य प्रशासनले शुक्रबार एक विज्ञप्तिमा भनेको छ।

गतअप्रिलमा, नियामकले ९,६६३ टाङ डीएमआई (Tang DM-i) कारहरूलाई ब्याट्री प्याकमा त्रुटिले आगो निम्त्याउन सक्ने भन्दै फिर्ता बोलाउने घोषणा गरेको थियो।

समस्याहरूको केन्द्रमा रहेको टाङ डीएमआई प्लग-इन हाइब्रिड स्पोर्ट युटिलिटी भेहिकल (एसयूभी) अप्रिल २०२१ मा लन्च गरिएको थियो र लगभग २ लाख चिनियाँ यूआन मूल्य राखिएको थियो।