गुगलको पिक्सेल ६ए यस वर्षको मे महिनामा रिलिज हुनसक्ने

काठमाडौं ।

हामीले गुगलको पिक्सेल ६ए को बारेमा पहिले नै धेरै जानकारी सुनेका छौं, तर फोन विगतका केही मोडेलहरू भन्दा पहिले नै लन्च गर्न तयार भएको देखिन्छ। भरपर्दो टिपस्टरका अनुसार, गुगलको पिक्सेल ६ए ले मे महिनामा रिलीज मिति देख्नेछ।

टिपस्टर म्याक्स जाम्बोरका अनुसार, गुगलको पिक्सेल ६ए आउँदो मे २०२२ को कुनै दिनमा डेब्यु गर्न तयार गरिएको छ। यसले विगतका दुई पिक्सेल ए श्रृंखलाका डिभाइसहरू लन्च भएको समय भन्दा धेरै पहिले यसको रिलीज मितिलाई सारेको ९टू५गुगलले उल्लेख गरेको छ।

गुगलको पिक्सेल ४ए अगस्ट २०२० मा महामारी सम्बन्धित ढिलाइका कारण ढिलो बजारमा डेब्यु भयो, र पिक्सेल ५ए ले धेरै सीमित उपलब्धतासँगै उही लन्च मिति पछ्याएको थियो। यद्यपि, त्यहाँ गुगलले मे महिमा ए सिरिज डिभाइस लन्च गर्ने गरेको यसअघिकै उदाहरण छ, जतिबेला गुगल पिक्सेल ३ए बजारमा आएको थियो।

वास्तवमा, त्यो डिभाइस गुगल कन्फ्रेन्सको अवसरमा स्टेजमा लन्च गरिएको थियो, गुगलले यो नयाँ डिभाइसका साथ पुनः सोही कार्य दोहोर्याउन सम्भव देखिन्छ।

पिक्सेल ६एले गुगल पिक्सेल ६ले सुरु गरेको नयाँ डिजाइन र फ्ल्यागशिप मोडेलहरूको तुलनामा कम मेगापिक्सेल क्यामरा र गुगल टेन्सर चिपको साथमा आउने अपेक्षा गरिएको छ। यो हेडफोन ज्याक बिना नै आउने गुगलको पहिलो बजेट डिभाइस हुने अपेक्षा गरिएको छ।

यसैबीच, गुगलले पनि आफ्नो पहिलो पिक्सेल-ब्रान्डेड स्मार्टवाच यही विन्डो भित्र लन्च गर्ने अफवाह छ, टिपस्टर जोन प्रोसरले यस बारेमा जानकारी बाहिर ल्याएका हुन्।