प्रतिस्पर्धा विरोधी कार्य गरेको भन्दै गुगललाई १० करोड २० लाख यूरो जरिवाना

काठमाडौं ।

इटालीको प्रतिस्पर्धा नियामकले अमेरिकी टेक जायन्ट गुगललाई प्रतिस्पर्धा विरोधी कार्य गरेको भन्दै भारी जरिवाना गरेको छ ।

नियामकले कम्पनीको एन्ड्रोइड प्रणालीबाट ईनेलद्वारा विकसित ई मोबिलिटी एपलाई समावेश नगरेकोमा गुगललाई १० करोड २० लाख यूरो जरिवाना गरेको छ।

दुई बर्ष भन्दा बढी समयदेखि, गुगलले ईनेलको ज्यूसपास(JuicePass) नामक एपलाई एन्ड्रोइड अटोमा अपरेट गर्न अनुमति दिएको थिएन् । सो प्रणालीले एपहरूलाई कारमा सुरक्षित रूपमा प्रयोग गर्न अनुमति दिन्छ ।

‘गुगल म्याप्सलाई समर्थन गर्दा अन्यायपूर्वक यसको प्रयोग घटाउने छ,’ नियामकले बिहीबार भन्यो ।

‘प्रतिस्पर्धित ब्यवहारले ईमोबिलिटीको विकासलाई महत्त्वपूर्ण चरणमा प्रभाव पार्न सक्दछ… यसले विद्युतीय सवारीको बृद्धिमा सम्भावित नकारात्मक असरका साथ अन्य प्रभाव पार्दछ,’ नियामकले उल्लेख गरेकोछ ।

सो निर्णयमा नियामक निकायले आफ्नो स्थितिको दुरुपयोग गरेको भन्दै गुगललाई जरिवाना को घोषणा गर्नुका साथै नियामकले गुगललाई ज्यूसपासलाई एन्ड्रोइड अटोमा उपलब्ध गराउन भनेको छ।

ज्यूसपास ईनेलको ई-समाधान सहायक ईनेल एक्सको स्वामित्वमा रहेकोछ, जसले गुगलको विरूद्ध मुद्दा ल्यायो। सो एपले ईभी चार्जिंग स्टेशनहरू खोज्न र बुक गर्नका लागि नक्शामा र विवरणहरू हेर्न प्रयोगकर्ताहरूलाई सेवाहरू प्रदान गर्दछ।