काठमाडौं ।
अन्तर्राष्ट्रिय प्रतिबन्धहरू र बढ्दो भू-राजनीतिक तनावको बिच यसको पछिल्लो प्रतिक्रियामा, रूसको सरकारी अन्तरिक्ष संस्था रोस्कोसमोसले यस हप्ता कम्पनीको आगामी मिशन सुरु गर्न सहमत हुनु अघि आफ्नो ग्राहक वनवेबसँग मागहरूको सूची बनाउँदैछ।
वनवेबको स्याटेलाइटहरू मार्च ५ मा कजाकिस्तानबाट रूसी सोयुज रकेटको शीर्षमा उडान गर्ने तालिका थियो तर अब यी नयाँ मागहरूका साथमा यो प्रक्षेपण नहुने सम्भावना देखिएको छ।
द भर्सको रिपोर्टअनुसार ट्विटरमा पोस्ट गरिएको भिडियोमा, रोस्कोसमोसका प्रमुख, दिमित्री रोगोजिनले एक अन्तर्वार्तामा उनले वनवेबबाट आश्वासन चाहेको बताए। जसमा कम्पनीको स्याटेलाइट(भूउपग्रह)हरू सैन्य उद्देश्यका लागि प्रयोग गरिने छैनन्।
यसका साथै वनवेबमा एक प्राथमिक शेयरहोल्डर रहेको बेलायती सरकारले कम्पनीमा भएको आफ्नो हिस्सेदारी बेच्नुपर्ने रोस्कोसमोसले माग गर्यो। यदि यी मागहरू पूरा भएन भने, रोस्कोसमोसले सोयुज रकेटलाई फिर्ता गर्ने छ, र प्रक्षेपण योजना अनुसार हुने छैन।
पछिल्लो समयसम्म वनवेबले आफ्नो स्याटेलाइटहरू विशेषरूपमा रूसको सोयुज रकेटमा प्रक्षेपण गरिरहेको छ।
वनवेबले स्पेसएक्सको स्टारलिंक प्रणाली जस्तै अन्तरिक्षबाट इन्टरनेट सेवा प्रदान गर्न पृथ्वीको तल्लो कक्षीय स्याटेलाइटहरूको विशाल मेगा कन्स्टलेसन निर्माण गरिरहेको छ। कम्पनीले एकै पटक ३४ र ३६ वटा ब्याचमा आफ्ना स्याटेलाइट प्रक्षेपण गर्दै आएको छ। यस हप्ताको प्रक्षेपणले ३६ ओटा नयाँ स्याटेलाइटहरू अन्तरिक्षमा लैजाने थियो।
रिपोर्टकाअनुसार वनवेबले अझै पनि मागहरूको जवाफ प्रदान गर्न सकेको छैन्।
रूसको सरकारी समाचार एजेन्सी तासकाअनुसार रोस्कोसमोसले दावी गरेको छ कि प्रक्षेपणमा ढिलाइ गर्दा “कुनै आर्थिक क्षति हुनेछैन” किनभने रकेट पहिले नै निर्माण गरिएको थियो र यसको लागि भुक्तानी गरिएको थियो। स्थिति समाधान नभएसम्मका लागि वनवेब स्याटेलाइटहरू पनि कजाकिस्तानको बायकोनुर कस्मोड्रोममा प्रक्षेपण स्थलमा रहनेछन्। रोस्कोसमोसले यदि यो रकेट वनवेबको स्याटेलाइट प्रक्षेपण गर्नको लागी प्रयोग गरिएन भने, यो अर्को उडानको लागी प्रयोग गरिनेछ।
यस बीचमा, रोस्कोसमोससँग वनवेबको भविष्यमा काम गर्ने सम्बन्ध खतरामा रहेको जस्तो देखिने द भर्सले उल्लेख गरेको छ।
वनवेबले ६४८ स्याटेलाइटहरूको प्रारम्भिक कन्स्टलेसन प्रक्षेपण गर्ने योजना बनायो र प्रणालीलाई बाहिर निकाल्न २०२२ को लागि सिमित प्रक्षेपणहरू योजना गरिएको थियो। यसले अहिलेसम्म ४२८ स्याटेलाइट सफलतापूर्वक प्रक्षेपण गरिसकेको छ।
प्रकाशित: १९ फाल्गुन २०७८, बिहीबार
