काठमाडौं ।
चाइना मोबाइल लिमिटेडले यो एक दशकमा चीनको सबैभन्दा ठूलो सार्वजनिक सेयर निस्कासनमा ४८.७ अर्ब युआन (७.७ अर्ब डलर) जुटाएर बुधबार शाङ्घाई बजारमा व्यापार सुरु गर्ने भएको छ।
चाइना मोबाइलको शाङ्घाई डेब्यूलाई नजिकबाट हेरिनेछ किनकी चीनमा डेब्यू गर्दा बेइजीन लिमिटेड लगायतका कम्पनीहरूको बढ्दो संख्यामा उनीहरूको प्रस्ताव मूल्यहरू तल झरेका छन्।
कुल ग्राहकहरूको आधारमा विश्वको सबैभन्दा ठूलो मोबाइल नेटवर्क अपरेटर, चाइना मोबाइलले सांघाईमा प्रत्येक सेयर ५७.५८ युआन ($ 9.06) मा ८४ करोड ५७ लाख कित्ता सेयरहरू बेचेको कम्पनीले मंगलबार डेब्यू मिति घोषणा गर्दै एक्सचेन्ज फाइलिङमा बताएको छ।
कम्पनीको हङकङमा सूचीबद्ध शेयर सोमबार ४७.१ डलरमा बन्द भयो।
रिफिनिटिभ डाटा अनुसार सार्वजनिक सेयर प्रस्ताव चीनको पाँचौं-ठूलो रेकर्ड बनाउँदै, यदि ओभर-अलोटमेन्ट विकल्प पूर्णरूपमा प्रयोग गरियो भने चाइना मोबाइलको सेयर बिक्रीको आकार ५६ अर्ब युआनमा विस्तार हुनेछ ।
चाइना मोबाइलका साना सरकारी स्वामित्वका प्रतिद्वन्द्वीहरू, चाइना टेलिकम र चाइना युनिकम पहिले नै चीनमा सूचीबद्ध छन्।
यसअघि अमेरिकी राष्ट्रपति डोनाल्ड ट्रम्पले तीनवटै कम्पनीहरुमा लगानी गर्न रोकेसँगै न्यूयोर्क स्टक एक्सचेन्जबाट डिलिस्ट गरिएको थियो।
प्रकाशित: २० पुष २०७८, मंगलवार
