सर्च इन्जिन डकडकगोमा प्रति दिन औसत सर्च ४६ प्रतिशतले वृद्धि

काठमाडौं ।

सर्च इन्जिन डकडकगो (DuckDuckGo) यसको प्रमुख बजारहरूमा एन्ड्रोइडमा सबैभन्दा धेरै डाउनलोड गरिएको ब्राउजिङ एप भएको एउटा ब्लग पोस्टमार्फत जानकारी दिएको छ। यसका साथै क्रोमपछि आईओएसमा दोस्रो स्थानमा रहेको छ, जसले २०२१ मा दैनिक औसतमा १० करोड खोजहरू गरेको छ।

यो गत वर्षको तुलनामा ४६.४ प्रतिशतले वृद्धि भएको थियो। गत वर्ष डिसेम्बर २०२० को अन्त्यसम्ममा दैनिक औसत ७ करोड ९० लाख सर्च क्वेरीहरूबाट वृद्धि गर्न सफल भएको देखिएको छ।

यसको सबैभन्दा पछिल्लो सर्वेक्षणले अमेरिकामा २ करोड ७० लाख मानिसहरू (९ प्रतिशत) ले डकडकगो प्रयोग गर्ने देखाएको छ।

विश्वव्यापी रूपमा, डकडकगोसँग २०१८ मा सर्चभन्दा बाहिर गएदेखि यसको गोपनीयता-केन्द्रित एपहरू र विस्तारहरूका १५ करोड भन्दा बढी डाउनलोडहरू थिए। नोभेम्बरमा, यसले एप ट्र्याकिङ प्रोटेक्शन फिचर बीटामा जारी गर्यो, यसको एन्ड्रोइड एपमा एउटा नयाँ सुविधा रहेको छ जसले तेस्रो-पक्ष ट्र्याकरहरूलाई रोक्छ जून गुगल र फेसबुक अन्य एपहरूमा लुकेका हुन्छन्।

२०२१ मा, यसले इमेल सुरक्षाको बिटा रिलीज सुरु गर्यो, यसको नि:शुल्क इमेल फर्वार्डिङ सेवा जसले अन्तिम प्रयोगकर्ताहरूको इमेलमा ट्र्याकरहरू हटाउँछ र उनीहरूलाई इमेल प्रदायक परिवर्तन गर्न नसोधिकन तिनीहरूको व्यक्तिगत इमेल ठेगानाको गोपनीयता सुरक्षित गर्दछ।

नोभेम्बर २०२१ मा, डकडकगोको बजार हिस्सा अमेरिकामा २.५३ प्रतिशत र विश्वव्यापी ०.६६ प्रतिशत पुगेको स्ट्याटकाउन्टर डटकमको डाटाले देखाउँछ।