काठमाडौं ।
अनरले किफायती मूल्यको अनर प्याड एक्स७बी (Honor Pad X7b) ट्याब्लेट सार्वजनिक गरेको छ। यसमा ९० हर्ज रिफ्रेस रेटलाई समर्थन गर्ने ९.७ इन्चको डिस्प्ले रहेको छ। यो ट्याब्लेटमा स्ट्यान्डबाइ मोडमा ८२ दिनसम्म टिक्ने ब्याट्री प्याक राखिएको दाबी गरिएको छ। साथै, यस ट्याब्लेटले २ टिबीसम्म बढाउन सकिने विशाल स्टोरेजलाई समर्थन गर्छ।
अनर प्याड एक्स७बी को मूल्य
अनरले अनर प्याड एक्स७बीलाई विश्वव्यापी रूपमा सार्वजनिक गरेको छ। यो ४ जीबी र्याम र ६४ जीबी स्टोरेजका साथ आउँछ। हाल, यो साउदी अरबमा ४९९ साउदी रियाल (करिब २०,५०० रुपैयाँ) मा खरिदका लागि उपलब्ध छ।
यो ट्याब्लेट अनरको ग्लोबल वेबसाइटमा पनि सूचीकृत गरिएको छ। अन्य बजारहरूमा यसको उपलब्धताका सम्बन्धमा कम्पनीबाट अहिलेसम्म कुनै आधिकारिक घोषणा गरिएको छैन।
अनर प्याड एक्स७बीका विशेषताहरू
अनर प्याड एक्स७बीमा ९० हर्ज रिफ्रेस रेटको समर्थनसहितको ९.७ इन्चको डिस्प्ले रहेको छ। यसले टूके रिजोल्युसन (२,०५२ x १,१५२ पिक्सेल) र ५०० निट्सको अधिकतम ब्राइटनेस प्रदान गर्छ। कम्पनीका अनुसार यसको डिस्प्लेले १००% एसआरजीबी कभरेज प्रदान गर्छ र यसको स्क्रिन-टु-बडी रेसियो ८१ प्रतिशत रहेको छ। यसमा मेटल युनिबडी डिजाइन प्रयोग गरिएको छ। यो ट्याब्लेट निकै पातलो छ; यसको मोटाइ ८.४८ मिमी मात्र छ र तौल ४४७ ग्राम रहेको छ।
यो ट्याब्लेट क्वालकमको स्न्यापड्रागन ६८५ चिपसेटद्वारा सञ्चालित छ। यसमा ४ र्याम र १२८ जीबीसम्मको इन्टरनल स्टोरेजको विकल्प उपलब्ध छ। ट्याब्लेटमा माइक्रो-एसडी स्लट रहेको छ र यसले २ टिबीसम्म स्टोरेज बढाउने सुविधा दिन्छ। यसको ठूलो ब्याट्रीले उत्कृष्ट ब्याकअप प्रदान गर्छ; कम्पनीका अनुसार यसले १६ घण्टासम्म चलचित्र हेर्ने सुविधा दिन्छ र २१ घण्टासम्म ई-बुक पढ्न सकिने क्षमता राख्छ। यसको स्ट्यान्डबाइ समय पनि उल्लेखनीय छ, जुन ८२ दिनसम्म रहन्छ।
प्रकाशित: २१ आश्विन २०८३, बुधबार
