Huawei

हुवावे पी नाइन लाइटको चीनियाँ संस्करण तथा मिडिया प्याड एमटू ७.० चीनमा

हुवावे पी नाइन लाइटको चीनियाँ संस्करण तथा मिडिया प्याड एमटू ७.० चीनमा
Global IME Bank

काठमाडौं, २४ वैशाख । हुवावेले जी नाइन लाइट (Huawei G9 Lite) स्मार्टफोन तथा मिडिया प्याट एम टू (MediaPad M2) ट्याबलेट चीनमा आधिकारिकरुपमा घोषणा गरेको छ ।

हुवावेको यो स्मार्टफोन विश्व बजारमा भर्खरै आएको पी नाइन लाइटको (P9 Lite) चीनियाँ बजारका लागि ल्याईएको स्थानिय संस्करण हो । कम्पनीले विश्व बजारमा हुवावे पी नाइन लाइट औपचारिक घोषणा बिना नै बिक्री शुरु गरेको छ ।

हुवावेको जी नाइन लाइट (Huawei G9 Lite)

हुवावेको जी नाइन लाइट फोनमा ५.२ इन्चको फूल एचडी डिस्प्ले रहेको छ, जसको पिक्सेल रिजोल्यूशन १९२०x१०८० रहेको छ भने यसमा कम्पनीको आफ्नै चीपसेट प्रयोग गरिएको छ । यो स्मार्टफोनमा किरिन ६५० चीपसेट छ भने २.० गीगाहर्जको अक्टा-कोर सीपीयू राखिएको छ ।

हुवावेको यो स्मार्टफोनमा ३ जीबीको र्याम छ भने इन्टरनल स्टोरेज १६ जीबी रहेकोछ, जुन माइक्रो एसडी कार्डद्धारा बढाउन सकिन्छ ।

यो फोनमा भएको कन्फिगरेसन यसअघि सार्वजनिक भएको अनर ५ सी (Honor 5C) जस्तै रहेको छ ।

हुवावेले जी नाइन लाइटमा फिंगरप्रिन्ट रिडर राखेको छ । यो फिंगरप्रिन्ट रिडर फोनको पछाडिको भागमा छ जसको माथि १३ मेगापिक्सेलको रियर क्यामरा रहेको छ । त्यस्तै यसको फ्रन्ट फेसिंग क्यामरा ८ मेगापिक्सेलको रहेको छ ।

पी नाइन लाइटको चीनियाँ संस्करणमा ३,००० एमएएचको ब्याट्री राखिएको छ, जुन फेर्न सकिँदैन अर्थात नन रिमूभेवल रहेको छ । यो फोनमा फास्ट चार्ज छ की छैन कुनै जानकारी छैन तर संभवत यसको विशेषताहरुमा यो राखिएको छैन् ।

हुवावेको जी नाइन लाइट स्मार्टफोन एन्ड्रोयडको मार्शमाल्लो ६.० भर्सनमा आधारित रहेको छ जसमा कनेक्भिटीका लागि फोरजी एलटीई, वाईफाई, ब्लूटूथ, जीपीएस तथा माइक्रो यूएसबी २.० पोर्ट रहेकोछ ।Huawei-G9-Lite-Medipad-M2

हुवावे मिडिया प्याड एमटू ७.० (Huawei MediaPad M2 7.0)

हुवावेले चीनियाँ बजारमा अर्को डिभाइस मिडिया प्याड एम टू (MediaPad M2) पनि सार्वजनिक गरेको छ, जसको डिस्प्ले साइज ७ इन्चको रहेको छ । मिडिया प्याड एम टूमा पनि फिंगरप्रिन्ट सेन्सर राखिएको छ । यस्तो फिचर भएको ट्याबलेट हुवावेले पहिलो पटक ल्याएको हो । सात इन्चको डिस्प्ले भएको यो मिडिया प्याडको डिस्प्ले रिजोल्यूशन १०८० पिक्सेल रहेको छ ।

यो ट्याबमा स्न्यापड्रयागन ६१५ चीपसेट प्रयोग गरिएको छ भने ३ जीबी र्याम रहेको छ । यो ट्याब विभिन्न स्टोरेज साइजमा बजारमा उपलब्ध हुनेछ । त्यस्तै यसमा एलईडी फ्ल्याशसहितको १३ मेगापिक्सेलको रियर क्यामरा तथा ५ मेगापिक्सेलको सेल्फी क्यामरा छ । हुवावेको यो ट्याबमा ४,३६० एमएएचको ब्याट्री ब्याकअप रहेको छ ।

हुवावे जी नाइन लाइट स्मार्टफोन चीनमा १६९९ यूआन अर्थात करिब २६० अमेरिकी डलरमा ह्वाइट, गोल्ड एण्ड ब्ल्याक कलर अप्शनमा उपलब्ध हुने छ । त्यस्तै मिडिया प्याड एमटू ७.० को १६ जीबी भेरिएन्टको मूल्य १५९९ यूआन अर्थात २४५ अमेरिकी डलर तथा ३२ जीबी स्टोरेज भेरिएन्टको मूल्य १७९९ यूआन अर्थात २७६ डलर तोकिएको छ ।

यी दुबै डिभाइसहरु मे १३ तारिखदेखि बिक्री शुरु हुनेछ भने अहिले नै प्रि-अर्डर खुला गरिएको छ ।

माध्यम

Sajilo Visa
easy care