काठमाडौं ।
जीएसएमएले मोबाइल उद्योगलाई यस दशकमा मिड-ब्यान्ड स्पेक्ट्रमको औसत २ गीगाहर्ज आवश्यकता हुने बताएको छ । संस्थाले संयुक्त राष्ट्र संघको अन्तर्राष्ट्रिय दूरसञ्चार संघ (आईटीयू)द्बारा तय गरिएको डाटा गति आवश्यकताहरू पूरा गर्न औसतमा २ गीगाहर्ज स्पेक्ट्रम चाहिने उल्लेख गरेको हो।
जीएसएमएद्वारा प्रकाशित ३६ शहरहरुमा कोलियागो कन्सल्टिङ्गद्वारा गरिएको विश्वव्यापी अध्ययन अनुसार यस उपलब्धीले वातावरणीय प्रभाव गर्न र ५जीको उपभोक्ता लागतलाई पनि कम गर्नेछ।
सो अध्ययनअनुसार नीति निर्माणकर्ताहरूले २०३० सम्ममा आईटीयूको आवश्यकताहरू पूरा गर्न ३.५ गीगाहर्ज ४.८ गीगाहर्ज , ८.८ गीगाहर्ज र सिक्स गीगाहर्ज जस्ता सामंजस्यपूर्ण ब्यान्डमा मोबाइल अपरेटरहरूलाई स्पेक्ट्रम लाइसेन्स दिनुपर्ने देखिएको छ।
‘केहि केसहरूमा अतिरिक्त स्पेक्ट्रम बिना फाइभजीको पूर्ण सम्भावना महसुस गर्न असम्भव हुनेछ,’ जीएसएमएले भनेको छ।
अन्यमा, एन्टेना र बेस स्टेशनहरूको संख्याले बढी कार्बन उत्सर्जन र उपभोक्ता मूल्य बढाउने बताईएको छ। कोलियागो कन्सल्टिङ्गको अध्ययनका अनुसार थप स्पेक्ट्रमले मोबाइल कनेक्सनको दिगो विकासलाई बृद्धि गर्ने क्रममा नेटवर्कको कार्बन फुटप्रिन्टलाई दुई देखि तीन गुणाले घटाउनेछ।
यो स्पेक्ट्रमले फाइभजीलाई बढी सस्तो पनि बनाउने र शहरहरूमा एक दशकमा कुल लागत ३देखि ५ गुणा बढी हुनेछ जहाँ ८००-१००० मेगाहर्जको कमीले आवश्यक स्टेशनहरूको संख्या बढाउनेछ र प्रत्येक शहरमा डिप्लोएमेन्ट लागत ७८ करोड २० लाख डलरले बढाएर एकैपटक ५.८ अर्ब डलर पुग्ने जीएसएमएले प्रेस विज्ञप्तीमा उल्लेख गरेको छ।
रिपोर्टअनुसार मिड-ब्यान्ड स्पेक्ट्रम उपलब्धताले फिक्स्ड वायरलेस एक्सेस (FWA) लाई पनि सुधार गर्दछ। अध्ययनले देखाउँदछ कि थप २ गीगाहर्जको साथ पाँच गुणा बढी घरहरू प्रत्येक आधार स्टेशनले कभर गर्न सकिनेछ, जसले किफायती उच्च-स्पीड इन्टरनेटलाई फाइबर फुटप्रिन्टभन्दा बाहिर लागतको एक अंशमा पुर्याउन अनुमति दिनेछ।
यो स्पेक्ट्रमले मोबाइल अपरेटरहरूले १०० एमबीपीएसको डाउनलोड गति र ५० एमबीपीएसको अपलोड गतिको आईटीयू लक्ष्यहरू उपभोक्ता र व्यवसायको भविष्य आवश्यकताहरू पूरा गर्न सक्ने कुराको सुनिश्चित गर्ने जिएसएमएको भनाई छ।
प्रकाशित: २५ असार २०७८, शुक्रबार
