काठमाडौं ।
समय बित्दै जाँदा, प्रविधि पनि धेरै उन्नत हुँदै गइरहेको छ। जहाँ क्यामराको गुणस्तर र प्रयोगका साथै त्यसलाई प्राथमिकतामा राखिँदै गएको छ ।
शुरुमा फोनमा सामान्य क्यामरा हुनु नै ठूलो विषय मानिन्थ्यो र त्यसपछि सेल्फी क्यामराको युग आयो।
अब भने टेक्नोलोजी यस भन्दा अगाडी गएको छ। अब ड्रोन क्यामराको सुविधा स्मार्टफोनमा देखिनेछ। चिनियाँ स्मार्टफोन कम्पनी भिभोले चाँडै आफ्नो फोनमा उड्ने अर्थात फ्लाइङ क्यामरा ल्याउन लागिरहेको छ।
गत वर्ष प्याटेन्ट दायर
भिभोले गत बर्ष यस स्मार्टफोनको डिजाईनका लागि पेटेन्ट दायर गरेको थियो जस अनुसार यस भिभो फोनमा उडान क्यामरा उपलब्ध हुनेछ।
प्याटेन्टमा उल्लेख गरिएझैं यो क्यामरा फोनको शरीरबाट अलग हुनेछ र ड्रोनको रूपमा उडेर फोटोहरू क्लिक गर्नेछ र भिडियोहरू पनि बनाउनेछ। यद्यपि यो फोन हेर्दा साधारण स्मार्टफोन जस्तै हुनेछ। केवल यसको क्यामेरा विशेष हुनेछ।
क्यामरामा हुने फिचरहरु
भिभोको यस फ्लाइङ क्यामरा मोड्युलमा चार प्रोपेलरहरू दिइएका छन्, जसको सहयोगमा क्यामरा सजिलै हावामा उड्नेछ। फोनको ब्याट्रीको अलावा यसमा अर्को ब्याट्री पनि दिइनेछ। यसमा दुई क्यामरा सेन्सर पनि दिइएको छ। यस बाहेक, दुई इन्फ्रारेड सेन्सरहरू पनि यस ड्रोन क्यामरामा इन्स्टल गरिएका छन्, जसले क्यामरा उडेको बेलामा कसैसँग ठोक्किनबाट जोगाउँदछ।
फलो मोड
भिभोले यसको ड्रोन क्यामरामा धेरै विशेष प्रविधि प्रयोग गर्नेछ, जसमा प्रयोगकर्ताले फलो मोड प्राप्त गर्दछ। यसमा केही एयर जेश्चरहरू पनि दिईनेछ। यद्यपि यो फोन कहिले लन्च हुन्छ भन्ने बारेमा अझै खुलाइएको छैन।त्यस्तै यसको प्रयोग सफल हुन्छ कि हुँदैन भन्ने बारेमा पनि स्पष्ट छैन। तर टेक्नोलोजी पक्कै पनि अगाडि आएको छ ।
यो अहिलको लागि केबल प्याटेन्ट मात्र हो र यसको उत्पादन तथा परीक्षणलगायत सफल हुन्छ कि हुँदैन वा यो ल्याबबाट बाहिर नै आउँछ वा आउँदैन भन्नेमा अझै स्पष्ट जानकारी छैन् ।
यदि भिभोले ड्रोन क्यामरा फोनलाई ल्याएको खण्डमा त्यसपछि ओपो, वनप्लस, रियलमी लगायतका कम्पनीहरुले पनि त्यस्ता प्रविधिसहित स्मार्टफोन सुरू गर्न सक्ने बताईएको छ । एजेन्सी
प्रकाशित: २० असार २०७८, आईतवार
