काठमाडौं ।
चीनमा रेडमी वाच लन्च गरेपछि, शाओमीले अब विश्वव्यापी बजारमा एमआई वाच लाइट लन्च गरेको छ। यद्यपि कम्पनीले अझै यस स्मार्टवाचको मूल्य सार्वजनिक गरेको छैन, तर यसको डिजाईन हेरेर यस्तो देखिन्छ कि यो रेडमी वाचको रिब्रान्ड हुन सक्छ।
यस वाचको सबैभन्दा ठूलो सुविधा भनेको यो ९ दिनको ब्याट्री लाइफका साथ आउँदछ। शाओमीको सबैभन्दा नयाँ स्मार्टवाच एमआई डट कममा हालै सूचीबद्ध गरिएको छ। शाओमीले बताएअनुसार यो वाच ३ फरक केसमा र ५ स्ट्र्याप कलरमा आउनेछ, जसमा पिंक, आइभरी, ब्ल्याक, नेवी ब्लू र ओलिभ समावेश छ।
डिजाईनको बारेमा कुरा गर्दा, शाओमीको एमआई वाच लाइट रेडमी वाच जस्तो देखिन्छ। कम्पनीले यस घडीमा एक वर्गाकार स्क्रीन दिएको छ। बिना स्ट्र्याप यस घडीको वजन ३१ ग्राम र स्ट्र्यापका साथ ३५ ग्राम हुन्छ।
यसमा २।५ डी कर्भ्ड ग्लास प्यानल, म्याट टेक्स्चर बडी, मेटल टेक्स्चर बटनहरू पनि धेरै विशेष छन्। यो वाच डिट्याचेबल बकल डिजाइनको साथ आउँदछ।
हार्डवेयर र डिजाइनको बारेमा कुरा गर्दै, एमआई वाच लाइटमा एनएफसी इनेबल छ जसले ब्लुटुथ ५।० एलई सपोर्ट गर्दछ, स्मार्टवाच १।४ इन्च डिस्प्ले ३२० × ३२० रिजोलुसनको साथ आउँदछ।
डिस्प्लेमा अटोमेटिक ब्राइटनेस कन्ट्रोल र एम्बियन्ट लाइटनिङ्ग कन्डीशन जस्ता फिचरहरु राखिएका छन्। योसँग मल्टीफिटनेस मोडहरू प्रि इन्स्टल छन्। यस वाचमा, तपाईं दौड, साइक्लिङ्ग र इनडोर पौडी मोडहरू पाउनुहुन्छ। घडी ५० मिटरसम्म पानी प्रतिरोधी छ। यसले तपाईको २४ सै घण्टा हार्ट रेट मोनिटर गर्दछ भने यसमा निन्द्रा र व्यायामका पनि धेरै कार्यहरू छन्। वाचमा २३० एमएएचको ब्याट्री राखिएको छ जून २ घण्टामा पूर्ण चार्ज हुन्छ। एजेन्सी
प्रकाशित: २६ मंसिर २०७७, शुक्रबार
