काठमाडौं ।
छोटो भिडियो शेयरिङ्ग एप टिकटकले बिहीबारदेखि लागू हुने ट्रम्प प्रशासनको आदेशलाई चुनौती दिँदै अदालतमा एक याचिका दायर गरेकोछ।
अमेरिकी राष्ट्रपति डोनाल्ड ट्रम्पले गत अगस्ट १४ मा दिएको आदेशले आउँदो बिहिबारदेखि लागूहुने गरेर टिकटकको व्यवसायलाई ‘डाइभेस्ट’ अर्थात अधिग्रहण गर्न सक्नेछ। सोहि आदेश रोक्नका लागि टिकटकको लगानीकर्ता कम्पनी बाडटडान्सले अदालतमा निवेदन दायर गरेको हो।
कोलम्बिया जिल्लाको लागि अमेरिकी अपील अदालतमा दायर गरिएको निवेदनमा, बाइटडान्सले भने कि डाइभेस्ट गर्न दिईएको आदेशलाई अदालतद्धारा पुनरावलोकन गर्न खोज्दैछ र अमेरिकाको एजेन्सीले टिकटकले सुरक्षा खतरनाक प्रतिनिधित्व गर्यो भनेर जारी गरेको आदेश र निष्कर्षले अमेरिकी संविधान अन्तर्गत अधिकार गैरकानूनी र अधिकार उल्लंघन गरेको बताएको छ ।
यसभन्दा पहिले पनि पेन्सल्भेनियामा एक संघीय न्यायाधीशले सरकारको प्रतिबन्ध रोक्न आदेश दिएका थिए जसले प्रभावी ढंगले नोभेम्बर १२ देखि एपलाई रोक्न सक्थ्यो। यो आदेश टिकटकका निर्माताहरूले यस प्रतिबन्धको बिरूद्ध लगाएको केस पछि आएको थियो।
न्यायाधीशले आफ्नो आदेशमा टिकटकमा बनाइएका छोटो भिडियो अभिव्यक्तिपूर्ण र जानकारीमूलक भएको र समाचार वायर फिडसँग सम्बन्धित अभिव्यक्तिहरू इन्टरनेशनल इमरजेन्सी इकोनोमिक्स पावर एक्ट अन्तर्गत कभर गरिएको उल्लेख गरेका थिए ।
अर्कोतर्फ, टिक्टकका प्रवक्ताले आफ्नो वक्तव्यमा भनेका थिए कि ‘समुदायले दिएको सहयोगका कारण हामी धेरै अगाडी बढेका छौँ जसले आफ्नो अभिव्यक्ति अधिकारको संरक्षण गरेका छन्, आफ्नो क्यारियरको लागि र साना व्यवसायहरुलाई सहयोग गर्न, विशेष गरी महामारीको बेला काम गरेका हौं ।’
यसभन्दा अघि ट्रम्पले राष्ट्रिय सुरक्षा चासोका आधारमा टिकटक र वीच्याटलाई प्रतिबन्धित गर्ने निर्णय गरेका थिए। ट्रम्पले भनेका थिए कि प्रयोगकर्ताहरूबाट यी एपहरूमार्फत ठूलो संख्यामा जानकारी लिइएको छ र यी जोखिमहरू वास्तविक छन्। यो डाटा चिनियाँ कम्युनिष्ट पार्टीले पहुँच गर्न सक्नेछ।
केहि समयअघि वालमार्ट र ओरेकल प्रतिनिधिहरूले टिकटकको अमेरिकी व्यवसाय किन्ने बारेमा निर्णय लिन वार्ता गरेका थिए। अमेरिकामा टिकटकको करिब १० करोड प्रयोगकर्ताहरू छन्। एजेन्सी
प्रकाशित: २६ कार्तिक २०७७, बुधबार
