भिभो वाई ट्वान्टी नेपाली बजारमा सार्वजनिक, पावर सेभिङ टेक्नोलोजी प्रयोग

काठमाडौं ।

भिभो नेपालले वाई सिरिज अन्तर्गत नयाँ स्मार्टफोन वाई ट्वान्टी नेपाली बजारमा सार्वजनिक गरेको छ । युवा पुस्तामाझ लोकप्रिय भिभोले उत्कृष्ट प्रविधि र आकर्षण डिजाइनका साथ वाई ट्वान्टी बजारमा उपलब्ध गराएको हो ।

बजार मूल्य २० हजार ९९० तोकिएको यस फोनमा ५००० एमएएच क्षमताको ब्याट्री छ । कम्पनीका अनुसार भिभो वाई ट्वान्टीमा पावर सेभिङ टेक्नोलोजी प्रयोग गरिएको छ । जसले गर्दा एक पटकको फुल चार्जमा प्रयोगकर्ताले लामो समय सम्म निरन्तर रुपमा मोबाइल प्रयोग गर्न पाउनेछन् ।

३ जीबी र्याम र ६४ जीबी आन्तरिक स्टोरेज रहेको फोनलाई माइक्रोएसडी कार्डको मद्दतले २५६ जीबीसम्म क्षमता विस्तार गर्न सकिने छ ।

फोनमा क्वालकम स्न्यापड्रागन प्रोसेसर प्रयोग गरिएको छ। जसको मद्दतले बिना कुनै रुकाउट लामो समयसम्म गेम खेल्न सकिने कम्पनीको दाबी छ ।

स्मार्टफोन हलुका भएकाले प्रयोगकर्ताको हातका लागि प्रयोगमैत्री रहेको छ । पातलो डिजाइनमा आएको फोनको साइडमा फ्रिगर प्रिन्ट स्क्यान राखिएको छ । जसको मद्दतले प्रयोगकर्ताले बिना कुनै झन्झट सेकन्डमै फोन खोल्न सकिने उल्लेख छ ।

दुई कलरमा बजारमा उपलब्ध हुने भएता पनि हालसम्म कुन कुन कलरमा भित्रिन्छ भन्ने विषयमा भने कम्पनीले कुनै जानकारी दिएको छैन् ।
कम्पनीका अनुसार स्मार्टफोनमा प्रयोग भएको क्यामेरा प्रविधिको मद्दतले प्रयोगतर्काले प्रोफेशनल फोटो ग्राफिको मज्जा लिन सक्ने छन् । जसका लागि फोनमा एआईमा आधारित रियर क्यामेरा प्रयोग गरिएको छ ।

जसमा म्याक्रो, बोकेलगायतका धेरै फिचर छन् । ६.५१ इन्चको हालो डिस्प्लेका साथ विभिन्न प्रविधिको प्रयोगमार्फत फोनको स्क्रिनमा नयाँ आयाम प्रदान गरिएको कम्पनीले जनाएको कम्पनीका अनुसार जसले फिल्म हेर्दा तथा गेम खल्दा प्रयोगकर्ताले नयाँ अनुभव प्राप्त गर्नेछन् ।

कम्पनीको अनुसार यो फोन अहिलको युवाको रुची प्रविधि र डिजाइनको मिश्रण हो ।