Technology Khabar ११ जेष्ठ २०७७, आईतवार
काठमाडौं ।
नेपाल दूरसञ्चार कम्पनी लिमिटेड (नेपाल टेलिकम) ले आज आईतवारदेखि यो साताभरका लागि काठमाडौं भित्रका आफ्ना विभिन्न काउन्टरहरु खोल्ने भएकाे छ ।
कम्पनीले काठमाडौं क्षेत्रीय निर्देशनालय अन्तर्गतका विभिन्न काउन्टरहरु फरक फरक दिनअनुसार संचालनमा ल्याउन लागेको हो ।
ती काउन्टरहरुबाट बिहान १० बजेदेखि दिनको ३ बजेसम्म ग्राहकहरुले टेलिफोन रकम भुक्तानीलगायतका सेवा लिन सक्नेछन् ।
टेलिकमले आईतबारदेखि शुक्रबारसम्म फरक/फरक दिनमा खुल्ने काउन्टरको तालिका समेत ट्विटरमार्फत सार्वजनिक गरेको छ ।
काठमाडौं क्षेत्रीय निर्देशनालय अन्तर्गत ११ जेष्ठ देखि १६ जेष्ठ, २०७७ सम्म खुल्ला हुने काउन्टरहरुको तालिका pic.twitter.com/8emjCHS8jL
— Nepal Telecom (@ndcl_nt) May 23, 2020
आज आईतबार पहिलो दिन सुन्धारा, पाटन, गोङ्गबु, ठिमी, बनेपा, त्रिशुली, रसुवा, धादिङ, मन्थली र बाह्रबिसेसहित १० वटा काउन्टर संचालन हुनेछन् ।
त्यस्तै भोली १२ गते सोमबार नक्साल, चाबहिल, छाउनी, भक्तपुर, चरिकोट, चौतारा, पाँचखाल, लुक्ला र नाम्चेस्थित जम्मा ९ वटा काउन्टरबाट कम्पनीले सेवा दिनेछ ।
जेठ १३ गते मंगलबार सुन्धारा, पाटन, गोङ्गबु, ठिमी, बनेपा, चरिकोट, चौतारा र पाँचखालका काउन्टर संचालन गरिनेछ।
टेलिकमकाअनुसार १४ गते बुधबार नक्साल, चाबहिल, छाउनी, भक्तपुर, त्रिशुली, रसुवा, धादिङ, मन्थली र बाह्रबिसेको काउन्टर खुल्ला हुने छन् ।
जेठ १५ गते बिहीबार सुन्धारा, पाटन, गोंगबु, ठिमी, बनेपा, चरिकोट, चौतारा, पाँचखाल, लुक्ला र नाम्चेको काउन्टर खुल्ला हुनेछ ।
जेठ १६ गते शुक्रबार अन्तिम दिन भने नक्साल, चाबहिल, छाउनी र भक्तपुरको मात्र काउन्टर खोलिने टेलिकमले जनाएको छ ।
प्रकाशित: ११ जेष्ठ २०७७, आईतवार
