काठमाडौं ।
काठमाडौं । चिनियाँ स्मार्टफोन ब्राण्ड रियलमीले क्वालकमको नयाँ स्न्यापड्रागन चीपसेटयुक्त नयाँ ५जी फोन ल्याउने भएको छ ।
चीपमेकर क्वालकमले हालै आफ्नो स्न्यापड्रागन ८, ७ र ६ सिरिजमा कम्पनीले हालै ५जी सर्पोटेड चीप ल्याउने घोषणा गरेसँगै रियलमीले पनि ५जी फोन ल्याउने घोषणा गरेको हो ।
क्वालकमले सो इभेन्टमा १२ वटा ब्राण्डहरुले ५जी मोबाइल चीपसेट प्रयोग गर्ने बताएको थियो जसमा रियलमी सहितका ब्राण्डहरुको नाम सार्वजनिक गरेको थियो । रियलमीले भने आफ्नो ५जी फोनको काम यसअघि नै शुरु गरिसकेको बताएको छ ।
रियलमीले आफ्नो ५जी फोनमा नयाँ चीपसेटका साथै क्वालकम एआई इन्जिन र क्वालकम एलाईट गेमिंग फीचर समेत हुने जानकारी दिएको छ ।
कम्पनीले ५जी समयको आउँदो शुरुवातसँगै रियलमी ५जी टेक्नोलोजीजमा हुने विश्वव्यापी विकासमा योगदान दिन प्रतिबद्ध रहेको बताएको छ ।
यसअघि नै रियलमीका इण्डिया सिईओ माधव सेठले फाइभजी स्मार्टफोन यो वर्ष नै ल्याउने योजना सार्वजनिक गरेका थिए । भारतमा टेलिकम कम्पनीहरुले ५जी नेटवर्क बिस्तार गर्नुभन्दा पहिले नै रियलमीले ५जी फोन ल्याउनसक्ने बताईएको छ । एजेन्सी
प्रकाशित: २४ भाद्र २०७६, मंगलवार
