काठमाडौं ।
हालको मेमोरी चिप संकटले कम्पनीहरूलाई आवश्यक पर्ने र्यामको मात्रा प्राप्त गर्नको लागि नयाँ तरिकाहरू खोज्न बाध्य पारिरहेको अवस्थामा र एप्पलले जोखिमपूर्ण कदम चाल्ने विचार गरिरहेको देखिन्छ।
ब्लूमबर्ग न्यूजको नयाँ रिपोर्ट अनुसार, क्युपर्टिनो हाल दुई चिनियाँ कम्पनीहरू चाङसिन मेमोरी टेक्नोलोजीज (सीएक्सएमटी) र याङ्त्जे मेमोरी टेक्नोलोजीङ (वाईएमटीसी) सँग वार्तामा रहेको छ।
तर यहाँ एउटा सानो समस्याको उल्लेख गरिएको छ। दुबै कम्पनीहरू हाल संयुक्त राज्य अमेरिकाको रक्षा विभागको खण्ड १२६०एच सूचीमा रहेको र “चिनियाँ सैन्य कम्पनीहरूको रूपमा पहिचान गरिएका संस्थाहरू” को रूपमा चित्रण गरिएको छ। १२६०एच सूचीमा रहेका कम्पनीहरूसँग व्यापार गर्नु गैरकानूनी नभए पनि त्यसले एप्पलको लागि राजनीतिक प्रतिक्रिया र सम्भावित नियामक खतरा निम्त्याउन सक्ने जीएसएमएरिनाले रिपोर्ट गरेको छ।
ब्लूमबर्ग न्यूजका अनुसार, एप्पलका निवर्तमान सीईओ टिम कुक एप्पलको लागि कुनै पनि सम्भावित परिणामबाट बच्न ट्रम्प प्रशासन र वाणिज्य विभागसँग वार्तामा रहेको छन्।
प्रकाशित: २० असार २०८३, शनिबार
