काठमाडौं ।
च्याटजीपीटी अब धेरै स्मार्ट बन्दै गएको छ र अपडेट निःशुल्क उपलब्ध भएको छ। जीपीटी–५.५ इन्स्ट्यान्ट मोडेलले प्राप्त गरेको सुधारहरूले यसलाई थप जटिल प्रश्नहरू प्रोशेस गर्न र कुराकानीको सन्दर्भलाई राम्रोसँग बुझ्न सक्षम बनाएको उल्लेख गरिएको छ।
ओपनएआईले जीपीटी–५.५ इन्स्ट्यान्ट मोडेललाई अपडेट गरेको छ र यो च्याटजीपीटीमा प्रयोगकर्ताहरूले अन्तक्र्रिया गर्ने मुख्य मोडेल हो। विशेष गरी प्रयोगकर्ताले कुराकानीको क्रममा नयाँ सर्तहरू थप्दा वा प्रश्नको दिशा परिवर्तन गर्दा मोडेलले अनुरोधहरू राम्रोसँग बुझ्न सकोस् भनेर यो सुधारहरू गरिएको टेलिग्राफले रिपोर्ट गरेको छ।
ओपनएआईका अनुसार नयाँ मोडेल बढी सटीक र भरपर्दो भएको बताइएको छ। आन्तरिक परीक्षणमा, जीपीटी–५.५ इन्स्ट्यान्टले अघिल्लो संस्करणको तुलनामा कम गलत वा बनावटी उत्तरहरू उत्पादन गरेको बताइएको छ।
त्यसैगरी कन्टेक्स्ट (सन्दर्भ) मा राम्रोसँग एडप्ट गर्ने क्षमता अर्को सुधार भएको बताइएको छ। प्रयोगकर्ताले उत्तर सच्याएको वा नयाँ विवरणहरू थपेको खण्डमा मोडेलले अघिल्लो जानकारी दोहोर्याउनुको सट्टा छिटो एडप्ट (अनुकूलन) गर्ने र थप सान्दर्भिक उत्तरहरू प्रदान गर्नेछ।
जीपीटी–५.५ इन्स्ट्यान्टले स्थान जानकारीलाई पनि राम्रोसँग बुझ्ने बताइएको छ र स्थानहरू, उत्पादनहरू वा सेवाहरूको लागि थप सान्दर्भिक सिफारिसहरू प्रदान गर्नेछ। उदाहरणका लागि, यसले यात्रा गर्दा रेस्टुरेन्टहरू वा स्थानीय विकल्पहरूको लागि अझ सटीक सुझावहरू प्रदान गर्न सक्छ।
ओपनएआईले नयाँ उत्तरहरू बढी प्राकृतिक, प्रश्नसँग बढी सान्दर्भिक र कम मेकानिकल देखिनु पर्ने बताएको छ। मोडेलले मुख्य जानकारी नगुमाई स्पष्ट र छोटो उत्तरहरू प्रदान गर्ने लक्ष्य राखेको छ।
अपडेट च्याटजीपीटी प्रयोगकर्ताहरूलाई वितरण गरिएको छ भने प्लेटफर्मको स्ट्यान्डर्ड मोडेलको रूपमा अघिल्लो मोडेललाई प्रतिस्थापन गर्नेछ।
प्रकाशित: १५ असार २०८३, सोमबार
