काठमाडौं ।
क्रेजी ट्याक्सी भिडियो गेम फ्रान्चाइजीको पछिल्लो संस्करण अर्को वर्ष आउने भएको छ।
क्रेजी ट्याक्सीः वल्र्ड टुर भनिने यो भिडियो गेमले एक्सेललाई पछ्याउने र उनले आफ्नो ट्याक्सी चोर्ने चोरहरूलाई पछ्याउँदै विश्वभरका पाँच शहरहरूमा रेस गर्ने टेलिग्राफले रिपोर्ट गरेको छ।
“चरम ड्राइभिङ” समावेश हुने खेलमा खेलाडीहरूले यात्रुहरू ढुवानी गरेर मुख्य मिसनका साथै चुनौतीहरूको श्रृंखला पूरा गरेर अंक र इन–गेम मुद्रा जम्मा गर्नेछन्।
क्रेजी ट्याक्सीः वल्र्ड टुरमा आर्केड मोड पनि समावेश हुनेछ र त्यसले खेलाडीहरूलाई मूल गेमप्ले अनुभव गर्न अनुमति दिनेछ।
त्यसैगरी धेरै फरक गेम मोडहरू सहितको मल्टिप्लेयर कम्पोनेन्ट पनि हुने बताइएको छ।
सन् २००० मा सेगा ड्रीमकास्टमा रिलिज हुनुभन्दा पहिले मूल क्रेजी ट्याक्सी खेल १९९९ मा आर्केड खेलको रूपमा रिलिज गरिएको थियो।
खेल सफल हुँदै गएकोले धेरै सिक्वेलहरू पनि जन्मिएको र खेलको संस्करणहरू अन्ततः एप्पल आईओएसका साथै गुगल एन्ड्रोइड डिभाइसहरूमा देखा परेको उल्लेख गरिएको छ।
पछिल्लो क्रेजी ट्याक्सी खेल अर्को वर्ष एक्सबक्स सिरिज एक्स।एस, प्लेस्टेशन ५, निन्टेन्डो स्विच २ र स्टीमगरी सबै प्लेटफर्महरूमा आउने बताइएको छ।
प्रकाशित: ४ असार २०८३, बिहीबार
