काठमाडौं ।
अमेजन डटकमले सोमबार “अमेजन सप्लाई चेन सर्भिसेज” सुरु गरेको बताएको छ जसमार्फत आफ्नो लजिस्टिक्स नेटवर्क अन्य व्यवसायहरूका लागि खुला गरिएको छ।
कम्पनीका अनुसार अब साना–ठूला सबै प्रकारका व्यवसायहरूले कच्चा पदार्थदेखि अन्तिम उत्पादनसम्म सामान सार्ने, भण्डारण गर्ने र डेलिभरी गर्ने काम अमेजनकै आपूर्ति श्रृंखला नेटवर्क प्रयोग गरेर गर्न सक्नेछन्, जसमा फ्रेट, वितरण र फुलफिलमेन्ट तथा पार्सल ढुवानी समावेश छन्।
रोयटर्सका अनुसार यो घोषणापछि लजिस्टिक्स कम्पनीहरूको सेयरमा असर परेको छ, जसमा यूपीएस र फेडेक्सका सेयर प्रिमार्केट कारोबारमा क्रमशः १.५ प्रतिशत र २.५ प्रतिशत ले घटेका छन्।
अमेजनले उपभोक्ता सामान निर्माता प्रोक्टर एण्ड ग्याम्बल, औद्योगिक कम्पनी थ्रीएम र कपडा कम्पनी अमेरिकन इगल आउटफिटर्स यस सेवामा सुरुवातमै सहभागी हुनेमध्ये रहेका बताएका छन्।
यस कदमले कम्पनीहरूलाई समुद्री, हवाई, स्थल र रेलमार्फत हुने ढुवानी समेटिएको अमेजनको यातायात नेटवर्कमा पहुँच दिन्छ, जसलाई ८०,००० भन्दा बढी ट्रेलर, २४,००० इन्टरमोडल कन्टेनर र १०० भन्दा बढी विमानले समर्थन गरेका छन्।
प्रकाशित: २२ बैशाख २०८३, मंगलवार
