काठमाडौं ।
एप्पलले नयाँ फोल्डेबल आईफोन ‘आईफोन डुओ’ सार्वजनिक गर्ने तयारी गरिरहँदा डेभलपरहरूलाई आफ्ना एपहरू उक्त डिभाइसअनुसार अनुकूलन र अप्टिमाइज गर्न आग्रह गरेको छ।
एप्पलले नयाँ आईफोन डुओ मोडलका लागि एपहरू अनुकूलन गर्न आवश्यक निर्देशन तथा सुझावहरू सार्वजनिक गरेको छ।
अब एपहरू एप्पलले सार्वजनिक गरिसकेको नयाँ संस्करणको एक्सकोड २७.१ प्रयोग गरेर निर्माण गर्नुपर्नेछ। उक्त सफ्टवेयर डाउनलोडका लागि उपलब्ध गराइएको छ।
विकासकर्ताहरूले अब ‘एप स्टोर कनेक्ट’ प्लेटफर्ममार्फत आफ्ना एप तथा गेमहरू बुझाउन सक्नेछन्। एक्सकोड २७.१ प्रयोग गरेर निर्माण वा फेरि कम्पाइल गरिएका एपहरूमा एप स्टोरमा एउटा विशेष ब्याज देखिनेछ। उक्त ब्याजले एप आईफोन डुओका लागि अप्टिमाइज गरिएको जानकारी प्रयोगकर्तालाई दिनेछ।
एप्पलले अर्को नयाँ नियम पनि लागू गरेको छ। सन् २०२७ को अप्रिलदेखि सार्वजनिक गरिने प्रत्येक नयाँ एपमा आईफोन डुओमा चलिरहेको एपको स्क्रिनसट अनिवार्य रूपमा समावेश गर्नुपर्नेछ।
विकासकर्ताहरूलाई सहयोग गर्न एप्पलले निर्देशन तथा सामग्री उपलब्ध गराउनुका साथै आईफोन डुओमा केन्द्रित प्रत्यक्ष अन्तरक्रियात्मक समेत सञ्चालन गरिरहेको छ।
आईफोन डुओ फोल्ड गर्न मिल्ने स्क्रिनसहित आउने एप्पलको पहिलो आईफोन मोडल हो। नयाँ डिभाइस बिक्रीमा आउनासाथ प्रयोगकर्ताले उपयुक्त रूपमा अप्टिमाइज गरिएका एपहरू प्रयोग गर्न सकून् भन्ने उद्देश्यले एप्पलले सुरुवाती चरणदेखि नै एपहरूलाई नयाँ स्वरूपअनुसार तयार पार्न लागेको हो।
प्रकाशित: २४ आश्विन २०८३, शनिबार
