काठमाडौं ।
ब्लूस्काईले सर्भर समस्या डीडीओएस आक्रमणका कारण भएको जनाएको छ।
प्लेटफर्मले आफ्ना केही प्रणाली बन्द भएको र “हाम्रो एउटा क्षेत्रमा सेवासम्बन्धी समस्या अनुसन्धान गरिरहेका छौं” भनेको छ। समस्या बिहान १:४२ बजे (ईटी) सुरु भएको देखिन्छ र समाचार सार्वजनिक हुँदा ११ बजेसम्म जारी थियो। त्यसपछि पनि सेवा बीच–बीचमा अवरुद्ध भइरहेको छ, जसमा प्रयोगकर्ताले अवस्था हेर्नुपर्ने स्टाटस पेजसमेत कहिलेकाहीँ काम नगरेको थियो।
साँझ ७:४७ बजे (ईटी) ब्लूस्काईले “दिनभर बढ्दै गएको जटिल डिस्ट्रिब्युटेड डिनायल अफ सर्भिस (डीडीओएस) आक्रमण” रोक्ने प्रयास गरिरहेको जनाएको छ। यस आक्रमणका कारण प्रयोगकर्ताको फिड, नोटिफिकेसन, थ्रेड र सर्च सेवामा समस्या आएको थियो।
इन्ग्याजेटका अनुसार यस्ता डीडीओएस आक्रमण प्रायः ह्याकिङ लुकाउन प्रयोग हुने भए पनि ब्लूस्काईले “प्रयोगकर्ताको निजी डाटामा अनधिकृत पहुँच भएको कुनै प्रमाण नभेटिएको” जनाएको छ। यस महिनाको सुरुमा पनि उक्त सामाजिक सञ्जालमा छोटो समयका लागि सेवा अवरुद्ध भएको थियो।
हाल समस्या पूर्ण रूपमा समाधान नभएको भए पनि सेवा कहिले काम गर्ने, कहिले बन्द हुने अवस्थाले पूर्ण बन्दभन्दा ‘रोलिङ ब्ल्याकआउट’ जस्तो देखिएको छ।
प्रकाशित: ५ बैशाख २०८३, शनिबार
