काठमाडौं ।
गत वर्षको अगस्टमा एप्पलले आफ्नो आपूर्ति श्रृंखला र उत्पादन साझेदारहरूलाई अमेरिकी माटोमा ल्याउने उद्देश्यले आफ्नो अमेरिकी म्यानुफ्याक्चरिङ प्रोग्राम (एएमपी) घोषणा गरेको थियो।
कम्पनीले अब एएमपीका नयाँ सदस्यहरू अनावरण गरेको छ। उक्त सदस्यहरूमा बोश, सिरस लजिक, टीडीके, र क्विनिटी इलेक्ट्रोनिक्स समावेश छन्।
यिनीहरु अब एमकोर, एप्लाइड म्याटेरियल्स, ब्रोडकम, कोहेरेन्ट, कोर्निङ, ग्लोबलफाउन्ड्रीज, ग्लोबलवेफर्स अमेरिका, एमपी म्याटेरियल्स, सामसङ र टेक्सास इन्स्ट्रुमेन्ट्स जस्ता प्रारम्भिक साझेदारहरूमा सामेल भएका छन्।
टीडीकेले पहिलो पटक अमेरिकामा एप्पलको लागि सेन्सरहरू बनाउनेछ र त्यसमा क्यामरा स्टेबलाइजेसन जस्ता आईफोन सुविधाहरू समावेश छन्। बोश र टीएसएमसीले टीएसएमसी वाशिङ्गटनमा बोशको नयाँ सेन्सिङ हार्डवेयरको लागि एकीकृत सर्किटहरू उत्पादन गर्न एप्पलसँग मिलेर काम गर्नेछन्। उक्त सर्किटहरू क्र्यास पत्ता लगाउने, गतिविधि ट्र्याकिङ गर्ने र एप्पल प्रोडक्टहरूमा उचाइ जस्ता सुविधाहरूको लागि आवश्यक पर्ने उल्लेख गरिएको छ।
सिरस लजिक र ग्लोबलफाउन्ड्रीजले माल्टा, न्यूयोर्कमा ग्लोबलफाउन्ड्रीजको सुविधामा “नयाँ सेमिकण्डक्टर प्रोसेस प्रविधिहरू” स्थापना गर्नेछन्। यो सहकार्यले “एप्पल प्रोडक्टहरूका लागि प्रमुख प्रविधिहरू सक्षम पार्नेछ” र सिरस लजिकलाई “धेरै एप्पल एप्लिकेसनहरू” को लागि मिक्स्ड–सिग्नल समाधानहरू विकास गर्न अनुमति दिनेछ भने त्यसमा फेस आईडी प्रणालीहरूलाई पावर गर्न उन्नत सर्किटहरू समावेश रहेको बताइएको छ।
क्विनिटी इलेक्ट्रोनिक्स र एचडी माइक्रोसिस्टम्सले “सेमिकण्डक्टर निर्माण र उन्नत इलेक्ट्रोनिक्सको लागि आवश्यक अत्याधुनिक सामग्री र प्रविधिहरू” प्रदान गर्ने आधिकारिक प्रेस विज्ञप्तिमा भनिएको छ।
यो सहकार्यले “हाई–पर्फर्मेन्स कम्प्युटिङ र एआईको लागि अग्रगामी नवप्रवर्तनहरू, महत्वपूर्ण कम्पोनेन्टहरूको घरेलु उत्पादनलाई बलियो बनाउने र उन्नत प्रविधिमा अमेरिकाको नेतृत्वलाई बलियो बनाउने” थप उल्लेख गरिएको जीएसएमएरिनाले रिपोर्ट गरेको छ।
प्रकाशित: १३ चैत्र २०८२, शुक्रबार
