काठमाडौं ।
विश्वकै सबैभन्दा ठूलो क्रिप्टोकरेन्सी बिटक्वाइन। सन् २०२२ पछि पहिलोपटक वार्षिक घाटा दर्ज गर्ने दिशामा देखिएको छ। विश्वव्यापी आर्थिक दबाब र बजारको कमजोर गतिले बिटक्वाइन।को मूल्यलाई प्रभावित गरेको विश्लेषकहरूले बताएका छन्।
यस वर्ष नयाँ कीर्तिमानी उच्च विन्दुमा पुगे पनि अक्टोबरयता बिटक्वाइन।ले स्थिरता कायम गर्न सकेन। गत महिना यसको मूल्य मध्य–२०२१ यताकै सबैभन्दा ठूलो मासिक गिरावटमा परेको थियो।
हाल बिटक्वाइन। वार्षिक रूपमा ६ प्रतिशतभन्दा बढीले घट्ने अनुमान गरिएको छ। अघिल्ला दुई वर्ष भने बिटक्वाइन।ले वार्षिक लाभ दर्ज गरेको थियो। पछिल्लो कारोबारमा बिटक्वाइन।को मूल्य करिब ८७,४७४ डलर रहेको थियो।
रोयटर्सका अनुसार अमेरिकामा क्रिप्टोमैत्री राष्ट्रपति डोनाल्ड ट्रम्प निर्वाचित भएपछि यस वर्षको सुरुवातमा बिटक्वाइन।सहित क्रिप्टो बजारमा तीव्र उछाल आएको थियो। तर अप्रिलमा ट्रम्प प्रशासनले ट्यारिफ घोषणा गरेपछि शेयर बजारसँगै क्रिप्टो बजार पनि तीव्र रूपमा ओरालो लाग्यो। त्यसपछि बजार पुनः सम्हालिँदै अक्टोबरको सुरुवातमा बिटक्वाइन। १ लाख २६ हजार डलरभन्दा माथिको ऐतिहासिक उच्च विन्दुमा पुगेको थियो।
तर अक्टोबर १० मा ट्रम्पले चिनियाँ आयातमा नयाँ ट्यारिफ र महत्वपूर्ण सफ्टवेयरमा निर्यात नियन्त्रणको चेतावनी दिएपछि बजार पुनः खस्कियो। सो घटनापछि लेभरेज प्रयोग गरिएको क्रिप्टो कारोबारमा करिब १९ अर्ब डलर बराबरको जबरजस्ती सेटलमेन्ट (लिक्विडेसन) भएको बताइएको छ, जुन क्रिप्टो बजारको इतिहासमै सबैभन्दा ठूलो हो।
यस वर्ष विश्वका प्रमुख शेयर सूचकहरू पनि ट्यारिफ, ब्याजदर र कृत्रिम बुद्धिमत्ता (एआई) क्षेत्रमा सम्भावित मूल्य फुल्ने चिन्ताका कारण उतार–चढावमा रहे।
एक्सएस डटकमकी वरिष्ठ बजार विश्लेषक लिन्ह त्रानका अनुसार सन् २०२५ मा बिटक्वाइनले विश्व वित्तीय प्रणालीभित्र जोखिमयुक्त सम्पत्तिको विशेषता झन् स्पष्ट रूपमा देखाएको छ र धेरै अवधिमा अमेरिकी शेयर बजारसँग यसको सहसम्बन्ध देखिएको छ।
विश्लेषकहरूका अनुसार परम्परागत खुद्रा तथा संस्थागत लगानीकर्ता क्रिप्टो बजारमा प्रवेश गरेसँगै बिटक्वाइन।को चाल शेयर बजारको मनोवृत्तिसँग अझ नजिकिँदै गएको छ।
आगामी वर्षहरूमा मौद्रिक नीतिको परिवर्तन र एआईसम्बन्धी कम्पनीहरूको उच्च मूल्यांकनप्रति बढ्दो चासो जस्ता तत्वहरूले बिटक्वाइन।लाई अन्य जोखिमयुक्त सम्पत्तिसँग थप जोड्न सक्ने अनुमान गरिएको छ।
इतिहासमा बिटक्वाइन।लाई वैकल्पिक लगानीको रूपमा हेरिएकाले शेयर बजारसँग यसको चाल फरक मानिन्थ्यो। तर हाल क्रिप्टोको व्यापक स्वीकार्यतासँगै यो सम्बन्ध बलियो बन्दै गएको विश्लेषकहरूको भनाइ छ।
प्रकाशित: १९ पुष २०८२, शनिबार
