भिभो भी६० सार्वजनिक: ६,५०० एमएएच ब्याट्री, जाइस–समर्थित ट्रिपल रियर क्यामरालगायत विशेषता

काठमाडौं ।

भिभोले पछिल्लो मिड–रेञ्ज क्यामरा केन्द्रित फोनको रुपमा भी६० सार्वजनिक गरेको छ। फोनमा ५० मेगापिक्सेलको टेलिफोटो क्यामरा र ठूलो ६,५०० एमएएच ब्याट्री रहेको छ। यो नयाँ डिभाइस गत फेब्रुअरीमा भारतमा अनावरण गरिएको भिभो भी५० को उत्तराधिकारी भएको बताइएको छ।

भिभो भी६० को जाइस–समर्थित ट्रिपल रियर क्यामरा सेटअप मुख्य आकर्षणहरू मध्ये एक हो जसमा ओआईएस र ३x अप्टिकल जुमको साथ ५० मेगापिक्सेलको सोनी आईएमएक्स८८२ सेन्सर समावेश छ। साथै यो भिभो २०० मा पाइने उही टेलिफोटो क्यामरा भएको बताइएको छ।

क्यामरा सेटअपमा ओआईएस सहितको ५० मेगापिक्सेलको प्राथमिक सोनी आईएमएक्स७६६ क्यामरा, र ८ मेगापिक्सेलको अल्ट्रावाइड एङ्गल शूटर पनि समावेश छ। ह्यान्डसेटले औरा रिङ्ग एलईडी फ्ल्यास, एआई फोर–सिजन पोट्र्रेट सुविधा र भारतको लागि विशेष रूपमा वेडिङ्ग भ्लग मोड प्रदान गर्दछ। फोनको अगाडि, ९२ डिग्री एफओभी सहितको अर्को ५० मेगापिक्सेलको क्यामरा रहेको छ।

भी६० मा फुल एचडी+ रिजोल्युसन, १२० हर्ज रिफ्रेस रेट, ५,००० निट्स पीक ब्राइटनेस र इन–डिस्प्ले फिङ्गरप्रिन्ट स्क्यानर भएको ६.७७ इन्चको एएमओएलईडी क्वाड–कर्भ डिस्प्ले रहेको छ।

भिभो भी६० मा रहेको ६,५०० एमएएच ब्याट्रीले ९० वाट चार्जिङलाई समर्थन गर्दछ र यो यति ठूलो सेल समावेश गर्ने सबैभन्दा पातलो फोन भएको भिभोले दाबी गरेको छ। फोन ७.५३ एमएम पातलो र तौलको १९२ ग्राम (मिस्ट ग्रे भेरियन्ट) रहेको छ।

भी६० मा समावेश गरिएको स्न्यापड्रागन ७ जेन ४ एसओसीलाई१६ जीबी सम्मको र्याम र ५१२ जीबी स्टोरेजसँग जोडिएको छ भने फोनमा भेपर च्याम्बर कूलिङ सिस्टम पनि रहेको बताइएको छ।

भिभो भी६० ले एन्ड्रोइड १५–आधारित फनटच ओएस १५ चलाउने बताइएको छ भने फोनले चार वर्षको एन्ड्रोइड ओएस र ६ वर्षको सुरक्षा अपडेटहरू प्राप्त गर्नेछ।

फोनका अन्य मुख्य आकर्षणहरूमा आईपी६८ र आईपी६९ रेटिङ, डुअल सिम सपोर्ट, ४के भिडियो रेकर्डिङ र गुगल जेमिनी सहित एआई सुविधाहरू समावेश छन्।

यो भारतमा मिस्ट ग्रे, मुनलिट ब्लू र अस्पिसियस गोल्ड रङ्ग विकल्पहरूमा उपलब्ध हुनेछ। भिभो भी६० को मूल्य ८ जीबी/१२८ जीबी भेरियन्टको लागि ३६,९९९ भारतीय रुपैयाँ (४२५ अमेरिकी डलर) बाट सुरु हुन्छ। यो फोन ८ जीबी/२५६ जीबीमा पनि उपलब्ध हुनेछ जसको मूल्य ३८,९९९ भारतीय रुपैयाँ (४४५ अमेरिकी डलर), १२ जीबी/२५६ जीबीमा ४०,९९९ भारतीय रुपैयाँ (४७० अमेरिकी डलर) र १६ जीबी/५१२ जीबी मोडेलमा पनि उपलब्ध हुनेछ जसको मूल्य ४५,९९९ भारतीय रुपैयाँ (५२५ अमेरिकी डलर) छ। यो भारतमा अगस्ट १९ देखि बिक्रीको लागि उपलब्ध हुने जीएसएमएरिनाले रिपोर्ट गरेको छ।