काठमाडौं ।
इन्स्टा३६० द्वारा सिर्जना गरिएको नयाँ ड्रोन ब्राण्ड एन्टिग्राभिटीले अगस्टमा लन्च हुने नयाँ ड्रोनको घोषणा गरेको छ।
यो ड्रोनको तौल २४९ ग्राम भन्दा कम हुनेछ र ८के गुणस्तरमा ३६०–डिग्री भिडियो खिच्नेछ। साथै यो हल्का तौल भएको ड्रोन सबै प्रयोगकर्ताहरू, विशेष गरी कन्टेन्ट क्रियटर्सहरू र उत्साहीहरूका लागि डिजाइन गरिएको बताइएको छ।
यस ड्रोनको साथ, इन्स्टा३६० ले “३६० क्यामरा” मा आफ्नो प्रभुत्व आकाशमा पुर्याउने लक्ष्य राखेको छ।
एन्टिग्राभिटीले ड्रोनको दुरुपयोग विरुद्ध उपायहरूको बारेमा पनि वाचा गरेको हुनाले यसलाई सामान्य उपभोक्ताहरूको लागि उपयुक्त हुने उल्लेख गरिएको छ।
ड्रोन केवल एक उपकरण मात्र नभइ भावना र रचनात्मक स्वतन्त्रतालाई बढावा दिने अनुभव हो भनि मार्केटिङ प्रमुखले बताएको उल्लेख गरिएको छ।
प्राविधिक विवरणहरूको बारेमा कुनै जानकारीको खुलासा नगरिएको भए तापनि यो ड्रोन अगस्टमा प्रस्तुत गरिने भनिएको छ।
यो कदम विश्वव्यापी ड्रोन बजारमा डीजेआईको साँचो प्रतिद्वन्द्वीको आवश्यकता बढ्दो रूपमा स्पष्ट हुँदै गएको बेला आएको टेलीग्राफले रिपोर्ट गरेको छ।
प्रकाशित: १४ श्रावण २०८२, बुधबार
