अमेरिकामा टेस्ला उत्पादन प्रतिबन्धित गर्ने भनाई सहितको राष्ट्रपति ट्रम्पको एआई भिडियो भाइरल

काठमाडौं ।

अमेरिकी राष्ट्रपति डोनाल्ड ट्रम्पले अमेरिकामा टेस्ला कारहरूको उत्पादन प्रतिबन्ध लगाउने दाबी गरेको भिडियो इन्टरनेटमा भाइरल भइरहेको छ।

इन्टरनेटमा भाइरल भइरहेको उक्त भिडियोमा अमेरिकी राष्ट्रपति डोनाल्ड ट्रम्पले टेस्ला र इलन मस्कसँग सम्बन्धित घोषणाहरू गरिरहेको देखाइएको छ। उक्त छोटो क्लिपमा, ट्रम्पले संयुक्त राज्य अमेरिकामा टेस्ला कारहरूको उत्पादनमा तत्काल प्रतिबन्धको घोषणा गर्दै अर्बपति इलन मस्कलाई “स्नेक”(सर्प) पनि भनेका छन्। साथै राष्ट्रपति डोनाल्ड ट्रम्पले अब मस्कलाई “यस देशमा पैसा कमाउन” अनुमति दिन नसक्ने पनि भनेका छन्। विभिन्न संस्थाहरूले गरेको केही अनुसन्धानपछि, भिडियो नक्कली भएको पाइएको छ र कृत्रिम बुद्धिमत्ता (एआई) द्वारा उत्पन्न गरिएको दाबी गरिएको छ।

डोनाल्ड ट्रम्प र इलन मस्क बीचको झगडाको कारण उक्त भिडियो भाइरल भइरहेको बताइएको छ जसमा अमेरिकी राष्ट्रपतिले टेस्लालाई “जंक कारहरू” भनेर उल्लेख गरेको पनि देखाइएको छ।

एआईद्वारा उत्पन्न गरिएको क्लिपमा ट्रम्पले सन् २०२४ को चुनावमा मस्कले आफूलाई समर्थन गरुन् भनी सुनिश्चित गर्न मात्र उनले कार किनेको दाबी गरिएको देखाइएको छ। भिडियोले धेरै अपमानजनक दाबीहरू गरेको छ जुन निराधार देखिएको एनडीटिभीले रिपोर्ट गरेको छ।

भिडियोको विश्वसनीयता जाँच गर्नको लागि फ्याक्ट–चेकर्स (तथ्य–जाँचकर्ताहरू) ले क्लिपलाई एआई डिटेक्सन टुल्समा अपलोड गरेको बताइएको छ। यसले हाइभ मोडरेसनमा एआईद्वारा उत्पन्न गरिएको हुन सक्ने ९९.८ प्रतिशत सम्भावना देखाएको उल्लेख गरिएको छ। यो विशेष गरी भिडियोमा प्रयोग गरिएको एडभान्स्ड भ्वाइस क्लोनिङको कारण अडियोमा भएका समस्याहरूको बारेमा पत्ता लागेको उल्लेख गरिएको छ। थप स्पष्टीकरणको लागि, भिडियो ऋयलतचबष्कि।बष् मा अपलोड गरिएको थियो, जसले एआईको प्रयोग भएको पुष्टि गरेको छ।

डोनाल्ड ट्रम्प र इलन मस्क बीचको झगडा पछि, अमेरिकी राष्ट्रपतिले ह्वाइट हाउसबाट टेस्ला मोडेल एस बेचेको रिपोर्टहरू आएका थिए। उनले उक्त कार पहिले किनेको र इलन मस्कको उपस्थितिमा डेलिभर गरिएको थियो। यद्यपि, यससँग सम्बन्धित रपोर्टहरूको बारेमा पछि अस्वीकार गरिएको उल्लेख गरिएको छ।

मस्कले ट्रम्पका सल्लाहकारहरूलाई ट्रम्पको राजनीतिक प्रयासहरूसँग सम्बन्धित समूहहरूलाई १०० मिलियन अमेरिकी डलर दान गर्ने आफ्नो मनसायको बारेमा सूचित गरेपछि, मार्च ११ तारिखमा टेस्लाहरू ह्वाइट हाउसको दक्षिण मैदानमा आइपुगेको एनडीटिभीले रिपोर्ट गरेको छ।

एक्समा पोस्ट गरिएको भिडियो हेर्नुहोस्ः

Donald Trump bans Tesla Production in USA

Is this real? #Prozone #GodofMassesNBK#STRkaagaThuglifePaakalam
WE ARE BACK Uniparty #LYKN pic.twitter.com/bOYe69b1XL

— Nayika .. (@nayika_nayika) June 8, 2025