एप्पलले ट्रम्पको करले पारेको प्रभावको बारेमा खुलासा गर्यो

काठमाडौं ।

एप्पलले डोनाल्ड ट्रम्पको करको प्रभावलाई कम गर्न खोजेको हुनाले अमेरिकामा बिक्री गरिने डिभाइसहरू अब चीनबाट नआउने टेक जायन्टले घोषणा गरेको छ।

अमेरिकी उपभोक्ताहरूको लागि नाटकीय मूल्य वृद्धि रोक्नको लागि धेरैजसो आईफोनहरू भारतबाट र आईप्याडहरू भियतनामबाट प्राप्त गरिने बताइएको छ।

जनवरीदेखि मार्चसम्मको वित्तीय नतिजाहरू सार्वजनिक गर्दै, कम्पनीले अमेरिकी राष्ट्रपतिको बढ्दो व्यापार युद्धले अहिलेसम्मको प्रदर्शनमा सीमित प्रभाव पारेको बताएको छ।

ट्रम्पको नीतिहरू परिवर्तन नभएको मान्दै चालू त्रैमासिकमा शुल्कहरूले लाखौं यूरो थप्ने एप्पलका सीईओ टिम कुकको विश्वास गरेको स्काईन्यूजलाई उद्धृत गर्दै टेलिग्राफले रिपोर्ट गरेको छ।

नयाँ करहरू लागू हुनु अघि अमेरिकी खरीददारहरूले आईफोनहरू खरिद गर्न हतार गरेको कारणले यस अवधिमा आईफोनहरूको माग उच्च भएको हुन सक्ने रिपोर्ट गरिएको छ।

तर यो हतारको खरीदको पूर्ण प्रभाव भने एप्पलले वर्षको अन्त्यमा अप्रिल–जुन परिणामहरू रिपोर्ट गर्दा मात्र स्पष्ट हुने उलेख गरिएको छ।

एप्पल आईफोन बनाउन चिनियाँ कारखानाहरूमा निर्भर छ, जसले गर्दा कम्पनी ट्रम्पको व्यापार युद्धबाट अरू भन्दा बढी प्रभावित भएको छ।

राष्ट्रपतिले दर्जनौं देशहरूमा पारस्परिक शुल्क लगाउने योजनाहरू अनावरण गरेपछि एप्पलको शेयर २३ प्रतिशतले घटेको उल्लेख छ। साथै राष्ट्रपतिको शुल्क लगाउने योजनाहरू अहिले ९० दिनको लागि निलम्बित गरिएको छ।

कम्पनीको शेयर मूल्यमा थोरै सुधार भएको बताइएको छ जुन “लिबरेशन डे” भन्दा ५ प्रतिशत कम रहेको उल्लेख गरिएको छ।

वाशिङ्गटन र बेइजिङ बीच बढ्दो तनावले चीनमा पनि एप्पलको बिक्रीलाई असर गरिरहेको उल्लेख छ जुन जनवरी र मार्च बीच २.३ प्रतिशतले घटेको थियो।

“हामीसँग एक जटिल आपूर्ति श्रृंखला छ। आपूर्ति श्रृंखलामा सधैं जोखिम हुन्छ। हामीले केही समय अघि सिकेको कुरा के थियो भने सबै कुरा एकै ठाउँमा राख्नुमा धेरै जोखिम हुन्छ” भनि निर्माणमा योजनाबद्ध परिवर्तनहरूलाई सम्बोधन गर्दै, कुकले थप उल्लेख गरे।

अमेरिका बाहिर बिक्री गरिने डिभाइसहरूको उत्पादन भने चीनमा जारी रहने टेलीग्राफले उल्लेख गरेको छ।