Technology Khabar १० बैशाख २०८२, बुधबार
काठमाडौं ।
शाओमीले भारतमा नयाँ वेयरेबल ‘रेडमी वाच मुभ’ प्रस्तुत गरेको छ। यो आधारभूत स्मार्टवाचमा एमोलेड स्क्रिन र यस मूल्य खण्डमा डिभाइसको लागि लामो ब्याट्री लाइफ जस्ता केही राम्रा सुविधाहरूका समावेश गरिएका छन्।
रेडमी वाच मुभको १.८५ इन्चको आयताकार स्क्रिनमा ३९०×४५० पिक्सेल रिजोल्युसन रहेको छ। यस स्क्रिनमा ६०० निट्स ब्राइटनेस उपलब्ध रहेको छ, जुन “सेगमेन्टको सबैभन्दा राम्रो” भएको शाओमीले बताएको भने प्यानल पनि “सेगमेन्टको सबैभन्दा स्मूथ” भएको उल्लेख गरिएको छ।
यसको हार्ट रेट डिटेक्सन (मुटुको दर पत्ता लगाउने) ९७ प्रतिशत सटिक भएको र १४ दिनको अल्ट्रा–लङ्ग ब्याट्री लाइफ प्रदान गर्ने उल्लेख छ।
रेडमी वाच मुभमा ३०० एमएएचको ब्याट्री समावेश गरिएको छ जुन, हाइपरओएस सँग मिलाएर, सामान्य प्रयोगको साथ “एकल चार्जमा दुई हप्ता” सम्म टिक्ने ब्याट्री लाइफ (जीवन) प्रदान गर्न सक्ने बताइएको छ। अलवेजं–अन डिस्प्ले अन गर्दा भने ब्याट्री लाइफ (जीवन) पाँच दिनमा घट्नेछ।
रेडमी वाच मुभमा पाँचओटा वाच फेस लेआउटहरू र २०० भन्दा बढी विकल्पहरू उपलब्ध रहेको छन् जसमध्ये धेरैजसो एओडीलाई समर्थन गर्ने बताइएको छ।
रेडमी वाच मुभको तौल स्ट्र्याप बिना २५ ग्राम वा टीपीयू ब्यान्डको साथ ३९ ग्राम रहेको छ। यसको मोटाइ १०.८ एमएम रहेको छ भने यसको साइड (छेउ) मा फङ्गसनल क्राउन बटन पनि उपलब्ध गराइएको छ। यो डिभाइस आईपी६८ मूल्याङ्कन गरिएको छ र हिन्दी भाषामा आउने उल्लेख गरिएको छ।
डिभाइसमा १४०+ स्पोट्र्स मोडहरू, ती मध्ये ७ वटाको लागि अटो–डिटेक्ट, ब्लुटुथ कलिङ, ट्र्याकिङ स्लीप, एसपीओ२, स्ट्रेस र एचआर समावेश छन्।
शाओमीले रेडमी वाच मुभको मूल्य १,९९९ भारतीय रुपैयाँमा (२५ अमेरिकी डलर) कायम गरेको छ। यो डिभाइस सिल्भर स्प्रिन्ट, ब्ल्याक ड्रिफ्ट, ब्लू ब्लेज, र गोल्ड रश गरी चार रङ्गहरूमा आएको उल्लेख छ।
प्रकाशित: १० बैशाख २०८२, बुधबार
